امەريكالىق The National Interest جۋرنالىنىڭ بولجامى بويىنشا، 2018 جىلى رەسەي بالتىق جاعالاۋىنداعى ءۇش ەلدى - لاتۆيا، ليتۆا مەن ەستونيانى جاۋلاپ الادى دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ. 

باسىلىمنىڭ (RAND Corporation ەسەپتەرىنە سۇيەنىپ) جازۋىنشا، بۇل ءۇش ەلدى ماسكەۋ 845 مىڭ اسكەرمەن باسىپ الادى. وسىعان بايلانىستى بالتىق ەلدەرىنە پارتيزاندىق سوعىسقا دايىندالا بەرۋ ۇسىنىلدى. 

قوعامدىق-ساياسي زەرتتەۋلەر ورتالىعىنىڭ ديرەكتورى ۆلاديمير ەۆسەيەۆ The National Interest بولجامىمىەن كەلىسىپ وتىر. ونىڭ سوزىنشە، رەسەي ءۇشىن ناتو تاراپىنان ەڭ ءقاۋىپتى بولىپ وتىرعان وسى بالتىق ەلدەرى مەن كالينيگراد ەكسكلاۆى. سوندىقتان رەسەي كۇشىن وسى باعىتتارعا شوعىرلاندىرادى. 

باسىلىمنىڭ مالىمەتىنشە، مۇنىڭ الدىندا ناتو ۇيىمىنىڭ اسكەري ساراپشىلارى بۇل ايماقتاعى كۇشتەردىڭ تەڭدىگى جوق بولعاندىقتان رەسەي ليتۆا، لاتۆيا مەن ەستونيانى بىر-ەكى كۇندە باسىپ الادى دەگەن بولجام جاساعان.