مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى كولىك قۇرالدارىن تىركەۋ جانە قايتا تىركەۋ، ەسەپكە الۋ بويىنشا مەملەكەتتىك كورسەتىلەتىن قىزمەتتەردى تالدادى دەپ حابارلايدى Qamshy.kz اقپارات اگەنتتىگى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.  
ازاماتتار اۆتوكولىكتى ەسەپتەن شىعارۋ كەزىندە جاڭا ەسەپكە الاتىن اۆتوكولىككە ءوزىنىڭ بۇرىنعى مەملەكەتتىك نومىرلەرىن ورناتۋدا 2،8 اەك كولەمىندە مەملەكەتتىك باجدى، سونىڭ ىشىندە ارنايى حقكو جانە ءىىم تىركەۋ-ەمتيحان بولىمشەلەرىندە ساقتاۋدا تۇرعان نومىرلەر ءۇشىن دە تولەيتىنىن تاجىربيە كورسەتىپ وتىر.
وسىلايشا، ءبىر جىلدا ورتا ەسەپپەن مەملەكەتتىك تىركەۋ ءنومىرى بەلگىلەرىن ساقتاۋعا 11 مىڭعا جۋىق ازامات ءوتىنىش بەرەدى جانە بۇل ولاردى قايتا ورناتۋ ءۇشىن 63 ملن. تەنگەدەن استام سومماعا مەملەكەتتىك باج تولەگەنمەن ەكۆيۆالەنتتى.
30 جۇمىس كۇنىنە دەيىن مەملەكەتتىك نومىرلەردى قايتا ورناتۋ كەزىندە مەملەكەتتىك باجداردى (اەك كولەمىنىڭ جىل سايىنعى ءوسۋىن ەسكەرگەندە 2018 جىلدان باستاپ 6 734 تەنگە كولەمىندە) تولەۋ قاجەتتىلىگىن الىپ تاستاۋ ماقساتىندا، اگەنتتىك ۇسىنىمدارىنىڭ نەگىزىندە سالىق كودەكسىنە وزگەرتۋلەر مەن تولىقتىرۋلار ەنگىزىلدى. جاڭالىق وسى جىلدان باستاپ جۇزەگە اسا باستادى.
وسىعان قوسا، مەملەكەتتىك ءنومىردىڭ 1 داناسى جوعالعان نەمەسە جارامسىز بولعان كەزدە ازاماتتارعا ونىڭ تەلنۇسقالارىنىڭ كومپلەكتىسى (2 داناسى) ءۇشىن مىندەتتى تۇردە مەملەكەتتىك باجدى تولەدى نەمەسە اۆتوماشينانى قايتا تىركەدى.
مىسالى، ءبىر جىلدا ورتا ەسەپپەن مەملەكەتتىك تىركەۋ ءنومىرى بەلگىلەرىنىڭ تەلنۇسقالارىن دايىنداۋعا 1،9 مىڭعا جۋىق ازامات 11 ملن. تەنگەدەن استام سومماعا ءوتىنىش بەرەتىنىن كورسەتتى.
اۆتوكولىك يەلەرى تاراپىنان قوسىمشا شىعىستار بولماۋى ماقساتىندا سونىمەن قاتار جاڭا سالىق كودەكسىنە سايكەس مەملەكەتتىك ءنومىردىڭ 1 داناسى ءۇشىن 6 734 تەڭگە ورنىنا 3 367 تەڭگەگە دايىنداۋعا ءوتىنىش بەرۋ مۇمكىندىگى ۇسىنىلادى.
راسىمدەردى وڭايلاندىرۋ، اكىمشىلىك كەدەرگىلەر مەن سىبايلاس جەمقورلىق قاتەرلەردى جويۋ اگەنتتىك جۇمىسىنىڭ باسىمدىلىعى ەكەنىن اتاپ ءوتۋ كەرەك.