اقش پرەزيدەنتى دونالد ترامپ ءومىرى تۋرالى شىندىق جاريالانعان كىتاپ جارىققا شىعادى. مايكل ۋولفف ەسىمدى جۋرناليست ءوزىنىڭ «وت پەن قاھار: ترامپ اق ءۇيىنىڭ دالىزىندە» اتتى كىتاپ جازىپ، وندا ەل پرەزيدەنتى تۋرالى شىندىقتىڭ بەتىن اشقان. بۇل تۋرالى حابارلايدى Qamshy.kz اقپارات اگەنتتىگى BBC-گە سىلتەمە جاساپ حابارلايدى.

الايدا، ترامپ ادۆوكاتتارى كىتاپتىڭ جاريالانۋىنا توسقاۋىل بولماقشى. كىتاپ پرەزيدەنتتىڭ وزىنەن، جاقىندارىنان، لاۋازىمدى تۇلعالاردان الىنعان 200 سۇحباتقا نەگىزدەلگەن.

كىتاپتىڭ قىسقاشا مازمۇنىندا اۆتور بىلاي دەيدى: «ترامپ ءوزىنىڭ جەڭىسكە جەتكەنىن ەستىگەن  كەزدە ءتۇرى ەلەس كورگەندەي وزگەرىپ كەتكەن، ال مەلانيانىڭ بولسا كوزىنەن جاس اعىپ، جىلاعان، الايدا، بۇل باقىتتىڭ كوز جاسى ەمەس ەدى. بىرنەشە ۋاقىت بويى ترامپ قاتتى شوشىپ، قورقىپ جۇرگەن». اۆتوردىڭ ايتۋىنشا، ترامپ ءوزىنىڭ جەڭىسكە جەتەتىنىن ويلاماعان جانە  كۇتپەگەن.

ترامپ تۋرالى اششى شىندىقتى جاريا ەتەتىن بۇل كىتاپ باستاپقىدا دۇيەنبى كۇنى ساتىلىمعا شىعادى دەپ جوسپارلانعان. الايدا، مايكل ۋولفف تۋىندىسىن بۇگىن ساتىلىمعا شىعاراتىنىن مالىمدەدى.