بۇگىن الماتى قالاسىندا مۇحتار اۋەزوۆ اتىنداعى دراما تەاترىنىڭ ديرەكتورى ەرلان ءبىلالدىڭ ىسىنە قاتىستى باسپا ءسوز كونفەرەنسياسى بولىپ ءوتتى، دەپ حابارلايدى Qamshy.kz اقپارات اگەنتتىگى.

ق ر تەاتر ونەرى قاۋىمداستىعى 1،5 ميلليون تەڭگە كولەمىندە پارامەن ۇستالعان تەاتر ديرەكتورى ەرلان ءبىلالعا اراشا ءتۇسىپ، بۇگىنگى باسپا ءسوز كونفەرەنسياسىندا اتالعان وقيعاعا قاتىستى تەاتر ونەرىنىڭ وكىلدەرى ءوز پىكىرلەرىن ورتاعا سالدى.

ەلىمىزگە بەلگىلى اكتريسا كۇنسۇلۋ شاياحمەتوۆا بۇل جاعدايدى ونەرگە جاسالعان قيانات دەپ اتادى.

«جانىم اۋىرىپ، بۋىنسىز جەرگە پىشاق ۇرعان ساتتە ەلىم دەيتىن ەردىڭ ارقاسىنا تيگەن قامشىسىنا ارقاسىن توسەيتىن قانداستارىنىڭ جوقتىعى مەنىڭ جانىما باتتى. مەن ەكى تەاتردان دا قۋىلعان بالانىڭ ءبىرىمىن، جەسە تاياقتى جەگەن بالانىڭ ءبىرىمىن. ونەرگە قيانات جاسالىپ جاتىر، اعايىن، ءبىراق، ەشكىمدى دە تابالامايمىن. وسى جاعدايدى ەستىگەن كەزىمدە، ەكى تۋىپ، ءبىر قالعانىم ەمەس، تەاتردا دا كەرەمەت جاعدايىمدى جاسادى دەپ ايتا المايمىن، ءبىراق مەن مۇندا شىندىق ىزدەپ كەلىپ وتىرمىن. بۇل – قاساقانا ونەرگە جاسالعان قيانات دەپ بىلەمىن»، - دەيدى اكتريسا.

كارىس تەاترىنىڭ ديرەكتورى ليۋبوۆ ني ءقازىر ەرلان ءبىلالدىڭ دەنساۋلىعى سىر بەرىپ، ۇيىندە جاتقاندىعىن ايتتى.

ايتا كەتەر بولساق، م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى ەرلان ءبىلال 1،5 ملن تەڭگە پارا پارا العانى ءۇشىن ۇستالعان بولاتىن.

م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى ەرلان ءبىلال  ءوزىنىڭ كىناسىن تولىقتاي مويىنداعاندىقتان قاماۋعا الىنعان جوق. قازىرگى ۋاقىتتا سوتقا دەيىنگى تەرگەۋ جۇمىستارى جۇرگىزىلىپ جاتىر.