حالىقارالىق داعدارىس ۇيىمى الەمدە 2018 جىلى قاقتىعىc ورناۋى مۇمكىن 10 ايماقتىڭ ءتىزىمىن جاريالادى. بۇل تۋرالى Qamshy.kz اقپارات اگەنتتىگى حابارلايدى.
- سولتۇستىك كورەيا
كحدر ءساتتى يادرولىق سىناقتار جۇرگىزىپ، زىمىراندارىن ۇشىرىپ جاتىر. وسىعان بايلانىستى ۆاشينگتون پحەنيانعا بارعان سايىن ءقاۋىپتى جاۋاپ قايتارۋدا. اقش سانكسيالارىن ودان سايىن قاتالداندىرىپ جاتىر. پحەنياندى قارۋسىزداندىرۋعا تىرىسۋ سياقتى قانداي دا ءبىر قارسىلىق ارەكەت وسى ايماقتا سوعىستىڭ بولۋىنا اسەر ەتۋى مۇمكىن.
- اقش پەن ساۋدا ارابياسى يرانعا قارسى
اقش پەن ساۋد ارابياسىنىڭ ويىنشا، يران ءوزىنىڭ ىقپالىن سيريا، يراك، يەمەندە نىعايتقىسى كەلەدى. سوندىقتان، ۆاشينگتون مەن ەر-رياد قاجەت بولسا، تەگەرانعا قارسى قول بىرىكتىرمەك. ديپلوماتيالىق سانكسيالار كۇشكە ەنۋى مۇمكىن.
- ميانما مەن بانگلادەش
راكحا شاتىنداعى اسكەري قيمىلدار تامىز ايىنىڭ سوڭىندا روحينجا مۇسىلماندارىنىڭ بانگلادەشكە ويىسۋىنا اكەلدى. بوسقىندار لاگەرلەرىن قارجىلاندىرۋ اقپان ايىندا توقتاتىلادى. بۇل جاعداي بانگلادەشتەگى ساياسي جانە ەكونوميكالىق جاعدايدى ۋشىقتىرادى. ال ميانمادا «ار-راكان روحيندا» قارۋلى توبى بەلسەندىلىك تانىتۋى مۇمكىن.
- يەمەن
ءقازىر مۇندا 8 ميلليون ادام سۇراپىل اشتىقتىڭ قارسى الدىندا، حولەرا دەرتىمەن اۋىرىپ جاتقاندار سانى 1 ميلليوننان اسىپ جىعىلسا، تاعى 3 ميلليون بوسقىن سەرگەلدەڭ كۇي كەشۋدە. مۇنىڭ بارلىعى يەمەن پرەزيدەنتى مەن حۋتي ەرەۋىلشىلدەرى اراسىندا ورناعان قاقتىعىستىڭ سالدارى. يەمەن پرەزيدەنتىن اراب كولاسياسى قولداسا، ەرەۋىلشىلدەردى يراننىڭ شەيتتىكتەرى قولدايدى.
- اۋعانستان
اۋعانستاندا تاليبتەرگە قارسى ارەكەتتەر جۇرگىزىلىپ جاتىر. 2004 جىلدان باستاپ ەلدە وتكەن پارلامەنتتىك، پرەزيدەنتتىك سايلاۋلار داعدارىسقا الىپ كەلگەن. تاليبتەرمەن قاقتىعىس ۇلكەن سوعىس وشاعىنا اينالۋى مۇمكىن.
- سيريا
دايش تەرروريستەرىنىڭ جارتىلاي جەڭىلىسكە ۇشىراۋى ولارعا قارسى سوعىس تولىق اياقتالدى دەگەن ءسوز ەمەس. امان قالعان تەرروريستەر كۇش بىرىكتىرىپ سولتۇستىككە شابۋىل جاساۋى مۇمكىن.
- ساحەل
افريكالىق ايماق بىرنەشە جىلدار بويى قاقتىعىستار مەكەنىنە اينالعان. سونىمەن بىرگە، يسلام تەرروريستەر توبى تاراپىنان زورلىققا دۋشار بولىپ جاتىر.
- كونگو دەموكراتيالىق رەسپۋبليكاسى
بىلتىر پرەزيدەنتتىك ەتۋ مەرزىمى اياقتالعان پرەزيدەنت ءالى دە ءوزىنىڭ ىقپالىن مەملەكەتكە جۇرگىزىپ جاتىر. وسىعان بايلانىستى ەلدە قارسىلىق شەرۋلەر مەن ەرەۋىلدەر ءجيى بولىپ تۇرادى.
- ۋكراينا
ەلدىڭ شىعىسىندا قاقتىعىستار سالدارىنان 10 مىڭنان اسا ادام زارداپ شەكتى. سەپەراتيستەر تاراپىنان باقىلانىپ جاتقان اۋماقتار ماسكەۋگە تاۋەلدى. ۋكراينانىڭ وزىندە مينسكىدەگى كەلىسىمشارتتارعا بايلانىستى كوڭىل ءتولماۋشىلىق بايقالادى.
10. ۆەنەسۋەلا
ەل پرەزيدەنتى نيكولاس مادۋرو مەن مەملەكەت وپپوزيسياسى اراسىنداعى قاقتىعىستار كۇننەن-كۇنگە ءوسىپ جاتىر. ەلدە گۋمانيتارلىق جاعدايدىڭ ناشارلاۋى ورىن الۋى مۇمكىن.
