اقمولا وبلىسىندا ەگدە جاستاعى ەر ادام مەن ونىڭ ۇلى ءوز ۇيىندە ءۇسىپ ءولدى. بۇل تۋرالى Sputnik قازاقستان تىلشىسىنە قۇقىق قورعاۋ ورگاندارى حابارلادى.
قايعىلى وقيعا 6 قاڭتاردا بولعان.
"جەر ۇيدەن ەكى ادامنىڭ دەنەسى تابىلدى: 1937 جىلعى ەر ادام، ول "ليمفا ءتۇيىنىنىڭ قاتەرلى ىسىگى" دياگنوزىمەن اۋداندىق ورتالىق اۋرۋحانادا ەسەپتە تۇرعان جانە ونىڭ 1971 جىلى تۋعان ۇلى. الدىن الا بولجام بويىنشا، اكەسى مەن ۇلى سۋىقتان ءۇسىپ ولگەن، دەنەلەرى ءمايتحاناعا جىبەرىلدى، قاجەتتى ساراپتاما بەلگىلەندى"، —دەپ حابارلادى قۇقىق قورعاۋ ورگانىنان.
ەكى ەر ادامنىڭ ناقتى نەدەن قايتىس بولعانى رەسمي قورىتىندىدان كەيىن بەلگىلى بولماق.
ءبىرجان سال اۋدانى اكىمدىگىنەن مالىمدەگەندەي، كوز جۇمعانداردىڭ ۇيىندە وتىن دا، كومىر دە بولعان. جاقسى وتباسىلاردىڭ ءبىرى سانالىپتى.
