ەربول شورمانوۆ "استانا ەكسپو-2017" ۇلتتىق كومپانياسىنىڭ باسقارما ءتوراعاسى بولىپ تاعايىندالدى دەپ حابارلايدى Qamshy.kz اقپارات اگەنتتىگى.  بۇل تۋرالى كومپانيانىڭ باسپا ءسوز قىزمەتى حابارلادى.

قازاقستان ۇلتتىق ەكونوميكا ءمينيسترى تيمۋر سۇلەيمەنوۆ ۇلتتىق كومپانيا ۇجىمىنا جاڭا باسشىنى تانىستىردى. ءمينيستردىڭ ايتۋىنشا، كومپانيا "استانا" حالىقارالىق قارجى ورتالىعى مەن IT-ستارتاپتار تەحنوپاركى قۇرۋ ءۇشىن جۇمىسىن جالعاستىرا بەرەدى.

شورمانوۆ 2015 جىلدىڭ تامىزىنان باستاپ "استانا ەكسپو-2017" ۇلتتىق كومپانياسى باسقارما ءتوراعاسى احمەتجان ەسىموۆتىڭ ورىنباسارى بولعان. كەيىن باسقارما ءتوراعاسىنىڭ مىندەتىن اتقاردى. "استانا ەكسپو-2017" كومپانياسىن بۇعان دەيىن باسقارعان ەسىموۆ "سامۇرىق-قازىنا" ءال-اۋقات قورى باسقارماسىنىڭ ءتوراعاسى بولىپ تاعايىندالعان.

49 جاستاعى شورمانوۆ ۇلتتىق كومپانياعا كەلگەنگە دەيىن الماتى قالاسى اكىمى ورىنباسارى بولعان. بۇل كەزدە قالانى احمەتجان ەسىموۆ باسقارعان.