تامارا اسار نەبارى 20 جاسىندا ءىرى جول اپاتىنا ۇشىراپ، ءبىر اياعىنان ايىرىلعان. ءانشى بۇل كۇنى تۋعان اعاسىنىڭ ۇيلەنۋ تويىنا بارا جاتقان ەكەن. ءومىرىن تۇبەگەيلى وزگەرتكەن جول اپاتى جايلى تامارا اسار The ەفير جوباسىندا ايتتى.

«اياعىم ۇشىپ قولىما ءتۇستى. ونى سومكەمە سالىپ الدىم. تىلەگىم، جۇرەگىم اعام مەن ءىنىم دەپ سوققاننان كەيىن، «اعام امان بولسىن، بەكا، بەكا» دەپ ايقايلاي بەردىم. ونى كوپشىلىككە كورسەتپەۋگە تىرىستىم. ەركە قىز بولدىم. ءقازىر ارتقا قاراپ، مەنى تاربيەلەگەن قانداي دارحان حالىق دەپ ويلانامىن. ەتەگىمدى قولىممەن جاۋىپ، اياعىمدى سومكەگە سالىپ جاسىرىپ، ونى كولىكتىڭ ارتىنا تىعىپ ۇلگەردىم. سەبەبى الدىمىزدا ۇلكەن اۆتوبۋس كەلە جاتتى، ءىشى تولعان ەر ادام. سولارعا كورسەتپەۋ ماقساتىندا ىشىمە كىرىپ كەتكەن تەمىردى سۋىرىپ الدىم. وسىنىڭ ءبارى قىزۋمەن بولعان قۇبىلىس. سول كەزدەگى تىلەگىم اكەم مەن اعاما قان كورسەتپەۋ ەدى. ول مەنىڭ كەرەمەتتىگىم ەمەس، تاربيە. اعام ءۇشىن اياققا تۇردىم. سەبەبى رولدە سول بولدى. اعامنىڭ ەڭسەسى تۇسپەسىن دەدىم»، – دەپ اعىنان جارىلدى  ءانشى تامارا اسار.

تامارا اسار ءوزىنىڭ ماحابباتى جايلى، جول اپاتىنان كەيىن العا دەمەۋ بەرگەن جارى تۋرالى دا بايانداپ بەردى.

«ول قالانىڭ جىگىتى، مەن اۋىلدىڭ قىزى ەدىم. ومىردەن نەبارى 30 جاسىندا كەتتى. ءوزى وتە قىزىق ادام، مەنى ومىرگە قاتتى بەيىمدەدى. جول اپاتىنا ۇشىراعان كەزىمدە سامات قيىن جاعدايعا ءتۇسىپ، حابار الا الماعان. ول كەزدە ۇيالى تەلەفون دەگەن جوق. ال مەن ونى وسىنداي جاعدايعا تۇسكەنىمدى ەستىپ، كەلمەي جاتىر دەپ ويلادىم. جارتى جىلدان كەيىن مەنى اناسى ىزدەپ كەلدى. جاعدايدىڭ ءبارىن كوردى، قايتادان ارالاسىپ باستادىق. مەنى ورنىمنان تۇرعىزعان ماحاببات. ول ماعان: «كورەسىڭ ءالى، ۇل تۋاسىڭ، قىز تۋاسىڭ»،  – دەيتىن»، – ەسىنە الدى تامارا اسار.