قازاقستان پرەزيدەنتى «شەتەلدىك جەكە ينۆەستيسيالار جونىندەگى كورپوراسيا» (OPIC) مەملەكەتتىك اگەنتتىگىنىڭ پرەزيدەنتى رەي ۋوشبەرنمەن كەزدەستى، دەپ حابارلايدى Qamshy.kz اقپارات اگەنتتىگى.

نازاربايەۆ اڭگىمە بارىسىندا كەزدەسۋدىڭ ماڭىزدىلىعىنا توقتالىپ، قازىرگى ۋاقىتتا قازاقستاندا جۇزەگە اسىرىلىپ جاتقان ەكونوميكالىق جوبالار جونىندە ايتتى.

– ءبىز «سيفرلىق قازاقستان» باعدارلاماسىن جۇزەگە اسىرىپ جاتىرمىز. حالىقارالىق  «ەكسپو-2017» كورمەسىن وتكىزدىك. كورمە ينفراقۇرىلىمىنىڭ بازاسىندا «استانا» حالىقارالىق قارجى ورتالىعىن قۇرامىز. ونىڭ بارلىق قاتىسۋشىلارىنا ايرىقشا جەڭىلدىكتەر قاراستىرىلعان، – دەدى قازاقستان پرەزيدەنتى.

نۇرسۇلتان نازاربايەۆ ينۆەستيسيا سالاسىنداعى قاتىناستاردى نىعايتۋدىڭ جانە ءوزارا ءتيىمدى ەكونوميكالىق جوبالاردى جۇزەگە اسىرۋدىڭ ماڭىزدىلىعىن اتاپ ءوتتى.

ر. ۋوشبەرن «ەكسپو-2017» كورمەسىنەن العان اسەرىمەن ءبولىسىپ، الداعى ۋاقىتتا قازاقستاننىڭ «Kazakh Invest» كومپانياسىمەن ىنتىماقتاستىق تۋرالى مەموراندۋمعا قول قويىلاتىنىن ايتتى.