ءۇندىستانداعى ۋتتار-پرادەش شتاتىنىڭ تۇرعىندارى شاردا ارناسىنىڭ جاعالاۋىنان ەكى قىزدىڭ ءولى دەنەسى سالىنعان سومكە تاۋىپ الدى. بەلگىسىز بىرەۋلەر ولاردى ءولتىرىپ، دەنەلەرىن تۇزداپ، سۋعا لاقتىرىپ جىبەرگەن دەپ جازادى Qamshy.kz اقپارات اگەنتتىگى Mirror-عا سۇيەنىپ.
سۋ جاعاسىنان سومكە تاپقان جەرگىلىكتى تۇرعىندار ەكى قىزدىڭ دەنەسىن اشقان كەزدە شوشىپ كەتكەن. ولاردىڭ بىرەۋى شامامەن – 7، ەكىنشىسى – 12 جاستا. ۇستەرىندە تۇزدى تاس قويىلعان. پوليسەيلەر قىلمىسكەرلەردىڭ بۇل ارەكەتىن دەنەلەردى تەز جويۋعا قۇرعان جوسپارى ەكەنىن ايتادى.
تەرگەۋشىلەر ولاردى سۋعا قاشان لاقتىرىپ جىبەرگەنىن انىقتاي المادى. ءتىپتى، جابىرلەنۋشىلەردىڭ ناقتى جاسىن دا بىلە الماي وتىر. بۇل دا پوليسەيلەردىڭ قاندىقول قاراقشىلاردى تابۋىنا ءبىرشاما كەدەرگى بولادى ەكەن. ولار ءتىپتى، باسقا شتات تۇرعىندارى بولىپ شىعۋى دا عاجاپ ەمەس.
پوليسەيلەر قىلمىسكەرلەردىڭ بۇل ارەكەتىنىڭ مۇقيات جوسپارلانعانىن ايتادى.
سوت مەديسينالىق ساراپتاماسى ەكى قىزدىڭ اۋزىن جاۋىپ، تۇنشىقتىرعانىن انىقتادى. ءقازىر تەرگەۋ امالدارى جۇرگىزىلىپ جاتىر.
