وڭتۇستىك قازاقستان وبلىسىندا وتكەن جىلى 80 مىڭعا جۋىق بالا دۇنيەگە كەلگەن. سونداي-اق 20 مىڭنان اسا وتباسى شاڭىراق كوتەرگەن دەپ جازادى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. بۇل تۋرالى بۇگىن وبلىستىق وڭىرلىك كوممۋنيكاسيالار قىزمەتىندە وتكەن بريفينگتە ادىلەت دەپارتامەنتى باسشىسىنىڭ ورىنباسارى مەيىرجان يسابەكوۆ ءمالىم ەتتى.
مەيىرجان يسابەكوۆتىڭ سوزىنشە، وبلىس كولەمىندە 604 زاڭدى تۇلعا جانە 141 فيليال مەن وكىلدىك تىركەلگەن. كورسەتىلگەن قىزمەت تۇرلەرىنەن بيۋدجەتكە 19 ملن تەڭگەدەن استام مەملەكەتتىك الىمدار ءتۇستى.
«وڭتۇستىك قازاقستان وبلىسىندا جەكە جانە زاڭدى تۇلعالاردان جىلجىمايتىن مۇلىككە قۇقىقتاردى مەملەكەتتىك تىركەۋگە جالپى 150 مىڭنان استام ءوتىنىش قابىلداندى. جىلجىمايتىن مۇلىككە ەلەكتروندى تۇردە تىركەۋ سانى 49 مىڭنان اسقان. بىلتىرعى جىلدىڭ قورىتىندىسى نەگىزىندە مەملەكەتتىك تىركەۋدەن 218 ملن تەڭگە الىم سوماسى ءوندىرىلدى»، - دەدى مەيىرجان نۇرجان ۇلى.
