نۇرسۇلتان نازاربايەۆ پەن دونالد ترامپتىڭ كەزدەسۋى، بىرىنشىدەن، قازاقستاندىق ەكونوميكاعا امەريكالىق ينۆەستيسيانىڭ جاڭا اعىمىن قامتاماسىز ەتۋ جاعىنان وتە ماڭىزدى.

اقش ينۆەستور-مەملەكەتتەر تىزىمىندە سەرىكتەستىك جىلدارى ىشىندە 50 ميلليارد دوللار كولەمىمەن كوش باستاپ تۇر. الايدا، بۇگىنگى تاڭدا امەريكالىق كورپوراسيالار ءبىز ءۇشىن قاجەتتى باعىتتارعا قايتا باعدارلانۋى كەرەك. بۇل جەردە سيفرلاندىرۋ، ەكسپورتتىق تاۋارلاردىڭ نەگىزگى ۇلەسىن قۇرايتىن ەكونوميكا سالاسىنداعى وندىرىستىك پروسەستەردى اۆتوماتتاندىرۋ تۋرالى ايتىپ وتىرمىز.

بۇل تۇرعىدان العاندا مەملەكەت باسشىسىنىڭ اقش-قا ساپارى ءبىزدىڭ مودەرنيزاسيالىق باعدارلاما مەن ەكونوميكالىق رەفورمالاردىڭ نەگىزگى ۆەكتورلارىن تانىستىرۋ ىسپەتتى بولدى.

سوندىقتان، الداعى ۋاقىتتا جوعارى تەحنولوگيالاردى ەنگىزۋ بويىنشا جاڭا ەكى جاقتى جوبالاردىڭ پايدا بولۋىن كۇتۋىمىزگە بولادى. بۇل ەڭ الدىمەن، مۇناي-گاز سەكتورى، مۇناي-حيميا سالاسى، ەنەرگەتيكا، كولىك-لوگيستيكا ينفراقۇرىلىمىنا قاتىستى.

اتاپ ءوتۋ كەرەك، قازاقستان ءاردايىم شەتەل ينۆەستورلارىنا، ونىڭ ىشىندە امەريكالىقتارعا دا، بيزنەس جۇرگىزۋدىڭ ەڭ ءتيىمدى شارتتارىن ۇسىنعان. قول قويىلعان كەلىسىمدەر قازاقستان-امەريكاندىق بيزنەس سەرىكتەستىگى الداعى ۋاقىتتا دا قارقىنىن جوعالتپايتىنىنا كەپىلدىك بەرەدى.

ورازعالي سەلتەيەۆ،

ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ (اەسي) جەتەكشى ساراپشىسى