اقتوبە وبلىسىنداعى ىرعىز ايماعىندا جولاۋشىسى بار اۆتوبۋس ورتكە ورانىپ، 52 ادام قازا بولدى دەپ Qamshy.kz اقپارات اگەنتتىگى Tengrinews.kz-كە سۇيەنە وتىرىپ جازادى. 

«2018 جىلدىڭ 18 قاڭتارىندا تاڭعى ساعات 10:30-دار شاماسىندا سامارا-شىمكەنت اۆتوجولىنىڭ 1068ء-شى شاقىرىمىندا، قالىباي اۋلىنا 10 شاقىرىم جەردە Ikarus اۆتوبۋسى جانىپ كەتكەن. كولىك ىشىندە 55 جولاۋشى جانە 2 جۇرگىزۋشى بولعان. ولاردىڭ ازاماتتىعى انىقتالىپ جاتىر»، - دەپ حابارلادى ق ر توتەنشە جاعدايلار كوميتەتىنىڭ ءىىم وكىلى رۋسلان يمانقۇلوۆ.

ول جەدەل جاردەم قىزمەتشىلەرىنىڭ كومەگىمەن 5 ادامنىڭ كولىكتەن شىعۋىنا مۇمكىندىك العانىن ايتتى. ال قالعان 52ء-سى اپات كەزىندە كوز جۇمعان. قارالى حاباردان سوڭ قازىردە پسيحولوگيالىق قىزمەت كورسەتەتىن تىكەلەي جەدەل جەلى ورناتىلدى: +7 7132 56-29-62، +7 7132 56-68-85. وقيعا ورنىندا پوليسيا، قۇتقارۋشىلار، مەديسينا قىزمەتكەرلەرى جانە پسيحولوگتار ءوز جۇمىستارىن اتقارۋدا.