وش قالاسىنداعى «سۋلەيمان-توو» مۋزەيىنىڭ بۇرىنعى قىزمەتكەرى ءاشىرالى مارازىقوۆ قىرعىزستان تۋىنىڭ ەدەنگە توسەلگەن سۋرەتىن جاريالادى. ونىڭ ايتۋىنشا، سۋرەت جوندەۋ جۇمىستارى ءجۇرىپ جاتقان مۋزەيدەگى جەرتولەدە تۇسىرىلگەن.
مارازىقوۆ مەملەكەتتىك ءرامىزدى قورلاۋ زاڭسىز دەپ، مۋزەي باسشىلىعىن جاۋاپقا تارتۋدى سۇرادى.
«سۋلەيمان-توو» مۋزەيىنىڭ ديرەكتورى ءابدىقايىم قانگەلدييەۆ بۇل وقيعا ونىڭ باسشىلىققا كەلمەي تۇرىپ ورىن العانىن جانە جاۋاپقا تارتىلاتىنداي سەبەپ جوق ەكەنىن ايتتى.
ونىڭ ايتۋىنشا، تۋعا قاتىستى جانجال ارىز بەرگەن قىزمەتكەردىڭ جەكە رەنىشتەرى سالدارىنان تۋعان.
ايتا كەتەيىك، مەملەكەتتىك ەلتاڭبانى نەمەسە تۋدى قورلاۋ ارەكەتى ءۇشىن 10 مىڭ سوم كولەمىندە ايىپپۇل سالىنىپ، 40 كۇننەن ءبىر جىلعا دەيىن باس بوستاندىعىنان ايىرۋ جازاسى قولدانىلادى.
