اقتوبە وبلىسىندا اۆتوبۋستاعى ورتتەن زارداپ شەككەندەردىڭ ءاتى-جونى بەلگىلى بولدى، ءقازىر ولاردى اقتوبەگە اپارا جاتىر، دەپ حابارلايدى Qamshy.kz اقپارات اگەنتتىگى  Sputnik قازاقستانعا سىلتەمە جاساپ.

ولاردىڭ اراسىندا ءۇش جۇرگىزۋشى، قازاقستان ازاماتتارى – 1985 جىلى تۋعان ماقسات پەرنەبەك، 1968 جىلى تۋعان نۇرجان قىرعىزبايەۆ، 1978 جىلى تۋعان بارات تاڭاتاروۆ بار. ولاردىڭ بارلىعى وڭتۇستىك قازاقستان وبلىسىنىڭ تۇرعىنى. قالعان ەكەۋى  وزبەكستان ازاماتى – 1988 جىلى تۋعان احرور يساكوۆ جانە 1980 يسرويلدجان  مىرزاحمەتوۆ.   

وبلىستىق دەنساۋلىق ساقتاۋ باسقارماسى ەمدەۋ ءبولىمىنىڭ جەتەكشىسى  ءاسيا ترجانوۆا ءۇش ادامنىڭ ءدىن امان ەكەنىن، ال ەكى ادامدى جەڭىل كۇيىك شالعانىن مالىمدەدى.   

ايتا كەتەيىك، «سامارا-تاشكەنت» تاس جولىندا اۆتوبۋس ورتەنىپ، 52 ادام تىرىدەي جانىپ كەتكەن.

«2018 جىلدىڭ 18 قاڭتارىندا تاڭعى ساعات 10:30-دار شاماسىندا سامارا-شىمكەنت اۆتوجولىنىڭ 1068ء-شى شاقىرىمىندا، قالىباي اۋلىنا 10 شاقىرىم جەردە Ikarus اۆتوبۋسى جانىپ كەتكەن. كولىك ىشىندە 55 جولاۋشى جانە 2 جۇرگىزۋشى بولعان. ولاردىڭ ازاماتتىعى انىقتالىپ جاتىر»، - دەگەن ەدى ق ر توتەنشە جاعدايلار كوميتەتىنىڭ ءىىم وكىلى رۋسلان يمانقۇلوۆ.

بىرنەشە ۋاقىتتان كەيىن اپات بولعان ورىننان ۆيدەو جاريالاندى.