52 ادام قازا تاپقان اۆتوبۋستاعى ءورت اپاتى توبەلەستىڭ كەسىرىنەن جانىپ كەتكەن بولۋى مۇمكىن. اراداعى كەلىسپەۋشىلىكتەر كەزىندە جۇمىسشىلاردىڭ ءبىرى جانارماي تولى بوتەلكەنى دانەكەرلەۋ لامپاسىنا تەۋىپ جىبەرگەن.

قازاقستاننىڭ باتىسىندا ورىن العان اپات جولاۋشىلاردىڭ اراسىنداعى توبەلەستىڭ كەسىرىنەن ورىن الۋى مۇمكىن ەكەندىگىن ren.tv-گە سۇيەنە وتىرىپ جازادى Qamshy.kz اقپارات اگەنتتىگى. 

وقيعا كۋاگەرلەرىنىڭ بىرىنە سۇيەنسەك، Ikarus ىشىندەگى جولاۋشىلاردىڭ بىرنەشەۋى دانەكەرلەۋشى لامپانىڭ كومەگىمەن جىلىنىپ وتىرعان. ولاردىڭ اراسىندا پايدا بولعان ۇرىس-كەرىس كەزىندە جۇمىسشىلاردىڭ ءبىرى بەنزين تولى بوتەلكەنى دانەكەرلەۋشى لامپاعا قاراي تەۋىپ جىبەرگەن.

اۆتوبۋستىڭ تىم تەز وتقا ورانۋى سەبەپتى جولاۋشىلاردىڭ امان قالۋىنا مۇمكىندىك بولماعان. قايعىلى وقيعا ناتيجەسىندە 52 ادام جان تاپسىردى.

توتەنشە جاعدايلار قىزمەتىنىڭ الدىن الا بەرگەن مالىمەتىنە سۇيەنسەك، اۆتوبۋستاعى سىمداردىڭ قىسقا ماتاسۋى ورىن الىپ، ەسىكتەر بۇعاتتالعان. ورتتەن تەك 5 ادام عانا سىتىلىپ شىققان، ونىڭ ىشىندە ەكى كولىك جۇرگىزۋشىسى بار. ولار قازاقستان ازاماتتارى.

بۇل ساپار ارقىلى رەسەيگە وزبەكستان جۇمىسشىلارى تاسىمالدانۋ ۇستىندە بولعان. ورتتەن قۇتىلعان بەسەۋى تەك جەڭىل كۇيىك جاراقاتتارىن العان جانە ولارمەن مەديسينا قىزمەتكەرلەرى مەن پسيحولوگتار جۇمىس ىستەۋدە.

بەلگىلى بولعانداي، اۆتوبۋستىڭ ءىشى شامادان تىس تولى بولعان. سالوننىڭ ءىشى سونشالىقتى تار بولعاندىقتان، ادامدار بىردەن ورتتەن قۇتىلۋدىڭ جولىن تاپپاعان.