قازاقستان قور بيرجاسىنداعى (KASE) جۇما كۇنگى ساۋدا-ساتتىقتىڭ تاڭعى سەسسياسىندا تەڭگەنىڭ اقش دوللارىنا شاققاندا ورتاشا باعامى 324،04 تەڭگەنى قۇرادى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
بەيسەنبى كۇنگى ساۋدا-ساتتىق مالىمەتتەرىنە قاراعاندا، شەتەل ۆاليۋتاسىنىڭ باعامى 1،46 تەڭگەگە قۇلدىراعان. سەسسيا بارىسىندا ەڭ تومەنگى باعام 1 دوللارعا 323،1 تەڭگە دەڭگەيىندە بولسا، ەڭ جوعارى كۋرس 324،61 تەڭگەنى كورسەتكەن. ساۋدا كولەمى 189،9 ملن دوللاردى قۇراعان. بەيسەنبى كۇنى دوللاردىڭ كۋرسى تاڭعى سەسسيا قورىتىندىلارى بويىنشا 1 دوللارعا 325،5 تەڭگە، كۇندىزگى سەسسيادا 324،84 تەڭگە، ەكى سەسسيانىڭ قورىتىندىلارى بويىنشا 325،2 تەڭگە بولعان. جالپى ساۋدا كولەمى 266،95 ملن دوللاردى قۇراعان.
