ىزدەۋدە جۇرگەن ازاماتشانى ءوزىن «تاكسيپىن» دەپ تانىستىرعان جاس جىگىت ايۋاندىقپەن ءولتىردى. مارقۇمنىڭ تۋىستارى كۇدىكتىنى ءۇش بىردەي قىلمىستىق ءىس بويىنشا جاۋاپقا تارتۋىن تالاپ ەتتى دەپ جازادى Qamshy.kz اقپارات اگەنتتىگى otyrar.kz-كە سىلتەمە جاساپ.

جۇمابەكوۆتار وتباسى قايعىدان قان جۇتىپ وتىر. ەكى اپتا بۇرىن ۇيىنەن امان ەسەن شىعىپ كەتكەن قىزدارىنىڭ ءولى دەنەسىن تاۋىپ، جەر قوينىنا تاپسىرعان. سۇمدىق جاعداي، وسىدان ەكى اپتا بۇرىن ورىن العان. قىزدارى ايگەرىم تاسبولاتوۆا تۇركىستانداعى ورتالىقتا ورنالاسقان بانكوماتتان اناسى مەن اكەسىنىڭ ايلىعىن العان ەكەن. مۇنى بايقاعان جاس جىگىت قوماقتى قارجى العان ازاماتشانى كولىگىنە الداپ مىنگىزىپ، كوپشىلىكتەن تىس جەردە ونى قيناپ ءولتىرىپتى.

جاقسىلىق جۇمابەكوۆ، مارقۇمنىڭ اكەسى: "دەنەسىن دوستىق اۋىلىنىڭ شەتىنەن تاپقان. قىزىمنىڭ ءمايىتىن ءوزىم كوردىم. ايۋاندىقپەن ۇرىپ ولتىرگەن. ادام شوشىرلىق كۇيدە. بەت اۋزى كوگەرىپ كەتكەن. قىزىمدى ارەڭ دەگەندە تانىدىم. بەت الپەتى مۇلدەم كورىنبەيدى".

ايگەرىم تاسبولاتوۆاعا تۋىسقاندارى وسى جىلدىڭ التىنشى قاڭتارى كۇنى ىزدەۋ سالعان. ءىىب ارىزدانىپ، ءتىپتى پروكۋراتۋرا قىزمەتكەرلەرىنەن كومەك سۇراپتى. ارادا ءبىر جەتى وتكەندە پوليسەيلەر تۇركىستان قالاسىنداعى ساۋدا ورتالىقتارىنىڭ بىرىنەن قىزدىڭ ۇيالى تەلەفونىن تابادى. سويتسە ۇرلىقى تەلەفوندى ساتۋشىعا تاكسيست جىگىت ارزان باعاعا ساتىپ كەتكەن ەكەن. ءبىراق ساتۋشى ايگەرىمنىڭ ۇيالى تەلەفونىن ۇستاپ جۇرگەن جىگىتتى سۋرەتكە ءتۇسىرىپ العان. وسى سۋرەتتىڭ ارقاسىندا قاندى قىلمىس جاسادى دەگەن كۇدىكتى بىردەن ۇستالىپ، قاماۋعا الىنعان.

وقو ءىىد باسپا ءسوز قىزمەتى حابارلاعانداي كۇدىكتى ءقازىر قاماۋدا. سوتقا دەيىنگى تەرگەۋ امالدارى جۇرگىزىلۋدە. بويجەتكەندى ايۋاندىقپەن ءولتىردى دەگەن ازامات ەكى اپتادان كەيىن قىلمىسىن مويىنداپ، ءمايىتتى ءوزى تاۋىپ بەرگەن. مۇنى قۇزىرلى ورگان وكىلدەرى دە راستاپ وتىر.

سالتانات قاراگوزوۆا، وقو ءىىد باسپا ءسوز قىزمەتىنىڭ جەتەكشىسى: «ساراپتاما تاعايىندالدى. وسى ءىس بويىنشا 1992 جىلعى جەرگىلىكتى تۇرعىن ءۇستالدى. مارقۇم قىزدىڭ اتا-اناسى 11 قاڭتار كۇنى ارىزدانعان. ال كۇدىكتىنىڭ ءوزى ەكى اپتادان كەيىن ۇستالىپ وتىر».

جۇمابەكوۆتار وتباسى قىزدارىن ولتىرگەن ازامات زاڭ الدىندا بىرنەشە ءىس بويىنشا جاۋاپ بەرسىن دەپ تالاپ ەتۋدە. ويتكەنى كۇدىكتى قىزدىڭ ۇيالى تەلەفونى مەن اقشاسىن قولدى ەتىپ، كەيىن ونى زورلاپ ءولتىردى دەيدى. ءبىراق بويجەتكەننىڭ زورلىق كورگەنىن راستاۋ ءۇشىن ساراپتاما جۇمىستارىنىڭ قورىتىندىسى قاجەت.

لاۋرا ناقىپ قىزى