الماتى اۋەجايىندا وتكەن تاۋلىكتە 20 اۋەرەيسى كەشىكتىرىلدى، دەپ جازادى Qamshy.kz اقپارات اگەنتتىگى. بقل تۋرالى حالىقارالىق اۋەجايدىڭ باسپا ءسوز قىزمەتى حابارلادى.

«كەشىكتىرىلگەن رەيس سانى - 20، توقتاتىلعانى - جوق. قازىرگى تاڭدا الماتى اۋەجايىندا تىك كورىنىم – 290 مەتر، جازىقتىق كورىنىم – 2 500 مەتر. اۋە كەمەلەرىن قابىلداۋ مەن ۇشىرۋعا شەكتەۋ جوق»، - دەلىنگەن بەيسەنبىدەگى حاباردا.

سونىمەن، 24-25 قاڭتار كۇندەرى تومەندەگىدەي رەيستەر كەشىكتىرىلدى:

الماتى-قىزىلوردا – تەحنكيالىق سەبەپ (ەلەكترونيكا اقاۋى)، الماتى-سانكت-پەتەربۋرگ – تەحنيكالىق ەمەس سەبەپكە بايلانىستى اۋە كەمەسىن اۋىستىرۋ، الماتى-دۋشانبە - تەحنيكالىق ەمەس سەبەپكە بايلانىستى اۋە كەمەسىن اۋىستىرۋ، الماتى-تاشكەنت – جولاۋشى سالدارىنان (مەديسينالىق كومەك كورسەتۋ)، الماتى-استانا – تەحنيكالىق سەبەپ (ەلەكترونيكا اقاۋى)، الماتى-ماسكەۋ – جولسەرىك قاتەسى، الماتى-كييەۆ – اۋە كەمەسىنىڭ كەشىگۋى، الماتى-تبيليسي – جولاۋشىلاردى قوسىمشا وتىرعىزۋ، الماتى-استانا – اۋە كەمەسىنە جوسپاردان تىس تەحنيكالىق قىزمەت كورسەتۋ، الماتى-اقتاۋ – رەزەرۆتەگى جوسپارلانعان اك جەتىسپەۋشىلىگى، الماتى-سەۋل - رەزەرۆتەگى جوسپارلانعان اك جەتىسپەۋشىلىگى، الماتى-بانگكوك – تىركەۋدەگى قاتە، الماتى-استانا – تەحنيكالىق سەبەپ (ەلەكترونيكا اقاۋى)، الماتى-سەمەي - رەزەرۆتەگى جوسپارلانعان اك جەتىسپەۋشىلىگى، الماتى-قوستاناي – اۋە كەمەسىنىڭ كەشىگۋى، الماتى-جەزقازعان – اۋە كەمەسىنىڭ كەشىگۋى، الماتى-فرانكفۋرت – 25 قاڭتارعا اۋىستىرۋ، الماتى-ماسكەۋ – اۋە كەمەسىنىڭ كەشىگۋى، الماتى-شاردجا – شاردجاداعى مەتەوجاعدايعا بايلانىستى، الماتى-بەيجىڭ – اۋە كەمەسىنىڭ كەشىگۋى، دەلىنگەن حاباردا.