«قازاقفيلم» سىندى بىرەگەي ۇيىمنىڭ جەكەلەنۋى ونىڭ كەلەشەك تاعدىرىنا، وتاندىق كينو ءتۇسىرۋ ىسىنە اسەر ەتپەيدى. ويتكەنى قانداي جاعداي بولماسىن، نىسان مەملەكەت قاراماعىندا قالادى، دەپ جازادى Qamshy.kz اقپارات اگەنتتىگى. 

-مەن قۋانىش سۇلتانوۆقا ۇلكەن العىسىمدى بىلدىرەمىن. شىندىعىندا بۇل سۇراق وتە ماڭىزدى جانە ءبىزدىڭ ءوزىمىز دە بۇل ماسەلەنىڭ شەشىلۋىنە قىزىعۋشىلىق تانىتامىز. ايتپاعىم، ساتىلىمعا «ءقازاقفيلمىڭ»  تەك 49% عانا قويىلعان، ال 51%-ى مەملەكەتتىڭ مەنشىگىندە قالا بەرەدى،- دەدى ارىستانبەك مۇحامەدي ۇلى جۋرناليستەرگە بەرگەن جاۋابىندا.

كينوستۋدياعا 4-5 جىل بۇرىن جەكەلەنۋگە ءتيىستى نىساندار قوسىلعان، ءبىراق وسى كۇنگە دەيىن «اكسيالاردى ساتىپ الام دەۋشىلەر تابىلماعان» دەدى مۇحامەدي ۇلى،

-ەگەر وسىنشاما ۋاقىتقا دەيىن ساتىپ الۋشىلار تابىلماي كەلسە، ولاردىڭ جوقتىعىنا ءتىپتى قۋانامىن، دەدى مينيستر.