ەكى بىردەي ۇزىن قۇيرىقتا ماكاكالار جونگ جونگ جانە حۋا حۋا بۇدان بىرنەشە اپتا بۇرىن قىتايداعى لابوراتوريالارىنىڭ بىرىندە دۇنيەگە كەلگەن، دەپ BBC-گە سۇيەنە وتىرىپ جازادى Qamshy.kz اقپارات اگەنتتىگى.
عالىمداردىڭ ايتۋىنشا، گەنەتيكالىق تۇرعىدا اينىمايتىن مايمىلدار ادام اۋرۋلارىن زەرتتەۋگە سەپتىگىن تيگىزەدى.
ال سىنشىلار بولسا، بۇل جاعدايدىڭ ادام كلونىنا الىپ كەلە جاتقان ەتيكالىق ماسەلە ەكەنىن ايتادى.
قىتايدىڭ جۇيكە-جۇيەسى ينستيتۋتىنىڭ عىلىمي اكادەمياسى كلوندالعان مايمىلدار گەنەتيكالىق نەگىزدەگى قاتەرلى ىسىك، اعزانىڭ بوتەن بولشەكتەرگە قارسى تۇرۋ قاسيەتى مەن اس قورىتۋ جۇيەسىندەگى اۋرۋلاردى زەرتتەۋگە كومەك كورسەتەدى.
«وسى قوسىمشا مودەلدى قولدانۋ ارقىلى زەرتتەلۋى مۇمكىن پريمات بيولوگياسى تۋرالى كوپتەگەن سۇراقتار بار»، - دەدى ول.
جونگ جونگ بۇدان سەگىز اي بۇرىن دۇنيەگە كەلسە، حۋا حۋا التى اي بۇرىن تۋعان. ولار جۇڭگو حالقى جانە ۇلتى دەگەن ماندارين تىلىندەگى سوزدەرمەن اتالعان.
زەرتتەۋشىلەر، مايمىلداردىڭ بوتەلكە ارقىلى تاماقتاناتىنى جانە قازىرگى جاعدايى جاقسى ەكەندىگىن ايتتى. ولار كەلەر ايدا بۇدان دا كوبىرەك مايمىل كلوندار جاساپ شىعارماقشى.
پىكىر قالدىرۋ