دونالد ترامپ ءوزىنىڭ يسلاموفوبيالىق مالىمدەمەسى ءۇشىن وكىنەتىنىن ايتتى، دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.
ول بۇل تۋرالى «قايىرلى تاڭ، بريتانيا» اتتى تەلەشوۋدا ايتقان بولاتىن. جۋريناليست امەريكالىق پرەزيدەنتپەن سۇحباتتاسا كەلە، ونىڭ بريتاندىق مۇسىلمانداردىڭ نامىسىنا تيگەن مالىمدەمەسى ءۇشىن كەشىرىم سۇراۋ كەرەكتىگىن ايتتى.
ەسكە سالا كەتەتىن بولساق بىلتىر قازان ايىندا امەريكالىق ليدەر ءوزىنىڭ الەۋمەتتىك پاراقشاسىنا «Britain First» اتتى وڭشىل بريتاندىق توپقا قاتىستى يسلاموفوبيالىق مازمۇنداعى ۆيدەونى جاريالاعان. بۇل ۆيدەو كوپشىلىكتىڭ مۇسىلماندارعا دەگەن كوزقاراسىن وزگەرتىپ، ولارعا دەگەن جەك كورىنىشىن ارتتىرا ءتۇستى. اتالعان ۆيدەو بريتاندىق ازاماتتارمەن قاتار باسقا دا مۇسىلماندار ءوز قارسىلىعىن ءبىلدىردى.
بۇل ۆيدەوعا قاتىستى پرەزيدەنت ءوزىنىڭ وكىنەتىنىن جانە دە كەشىرىم سۇراۋدان باس تارتپايتىنىن ايتتى.
«ەگەر ءسىز ماعان ولار («Britain First») وتە ناشار، وزدەرىنەن باسقاسىن الالايتىن ادامدار دەپ، ايتساڭىز، ءسىزدىڭ قالاۋىڭىز بويىنشا مەن مىندەتتى تۇردە كەشىرىم سۇرايمىن. ەگەر بۇل ادىلەتتى بولاتىن بولسا مەن كەشىرىم سۇرايمىن»، دەيدى دونالد ترامپ.
«مەن ولار تۋرالى ەشتەڭە بىلگىم كەلمەيدى. ولارمەن قارىم-قاتىناس جاساعىم دا كەلمەيدى»، دەيدى ترامپ.
WORLD EXCLUSIVE: In his first international interview since becoming US president، @realDonaldTrump says sorry for retweeting anti-Muslim videos. @piersmorgan https://t.co/kFCEKnYxyI
— Good Morning Britain (@GMB) 26 يانۆاريا 2018 گ.
The full interview will air on Sunday 28 January at 10pm on @ITV and available on the @itvhub. pic.twitter.com/Am5nH1jvPw
