اقتاۋ تۇرعىنى ەر ادامدى ايدالادا ۇرىپ ءولتىرىپ، سول جەرگە كومىپ كەتكەن. ول 19 جىلعا سوتتالدى. بۇل تۋرالى ماڭعىستاۋ وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتوراعاسى ازات ءىزباساروۆ ايتتى، دەپ جازادى Qamshy.kz اقپارات اگەنتتىگى Lada.kz سايتىنىڭ دەرەگىنە سۇيەنىپ. 

تەمىرلان (ءاتى-جونى وزگەرتىلگەن) ءوز ۇلىن ماڭعىستاۋ وبلىسىنىڭ تۇرعىنى مارات ەسىمدى جىگىت ءولتىردى دەپ كۇدىكتەنگەن.  

تەمىرلان كۇدىكتىنى ۇرلاۋ ماقساتىندا تانىسى تيمۋردان كومەك سۇراپ، ءۇش مىڭ اقش دوللارىن بەرەتىنىن ايتادى. تيمۋر ءۇش ەر ادامدى جالداعان.   

ولتىرەمىن دەپ قورقىتقان سوڭ "كۇدىكتى" تەمىرلاننىڭ ۇلىن ولتىرگەنىن مويىندايدى. وسىدان كەيىن تەمىرلان قۇقىق قورعاۋ ورگاندارىنا حابارلاسىپ، مارات قىلمىستى مويىنداعانىن ايتادى. دەگەنمەن پوليسەيلەر ماراتتى قاماۋعا الماعان.  

كەيىنىرەك تەمىرلان ماراتتى ەكىنشى رەت ۇرلاپ اكەتكەن. ول ءۇشىن سىبايلاستارىنا ءتورت ميلليون تەڭگە بەرۋگە ۋادە ەتكەن. ماراتتى تاعى دا ەلسىز جەرگە الىپ كەلەدى. بۇل جولى مارات تەمىرلاننىڭ ۇلىن ولتىرگەنىن مويىندامايدى. سودان كەيىن تەمىرلان ونى ۇرىپ ولتىرگەن. ءمايىتتى سول جەرگە كومىپ كەتكەن.  

كىسى ولتىرگەنى ءۇشىن تەمىرلان 19 جىلعا، ال سىبايلاستارى 16 جىلعا سوتتالدى. ۇكىم زاڭدى كۇشىنە ەندى.