ليۆيانىڭ ءىرى قالالارىنىڭ ءبىرى بەنعازىدا تۇرمە تۇتقىندارىن كوشەگە شىعارىپ ەلدىڭ كوزىنشە اتىپ تاستاعان. وقيعانىڭ بولعان جەرىنەن تۇسىرىلگەن ۆيدەونى Al Arabiya باسىلىمى جاريالاعان دەپ حابارلايدى Qamshy.kz اقپارات اگەنتتىگى.

ۆيدەودا كوك جۇمىس كيىمىن كيگەن توعىز ەر ادام  كوزدەرى جۇمۋلى كۇيدە تىزەرلەپ وتىرادى. سالدەن سوڭ ادامداردىڭ جەردە قانسىراپ جاتقانىن كورۋگە بولادى. ءولىم جازاسىنا كەسىلگەندەردىڭ دەنەلەرىن، جينالعانداردىڭ كوزىنشە كولىككە تيەپ الىپ كەتكەن.

باسىلىمنىڭ مالىمەتىنشە، ەر ادامدار مەشىتتىڭ جانىندا اتىلعان.

ايتا كەتەيىك، 23 قاڭتاردا وسى جەردە تەراكت بولىپ، 35  ادام كوز ءجۇمعان. ءولىم جازاسىنا كەسىلگەندەردىڭ كىمدەر ەكەنى ازىرگە بەلگىسىز.

ليۆيانى قولداۋشى بۇۇ ميسسياسى «اياۋسىز» قىرعىنعا قاتتى الاڭدۋلى ەكەنىن جەتكىزگەن. «ەر ادامداردى جاپپاي ءولىم جازاسىنا كەسكەندەر  حالىقارالىق قۇقىق بويىنشا جاۋاپكەرشىلىككە تارتىلاتىن بولادى»،-دەيدى بۇۇ.