كەزىندە سرۋ قىزمەتكەرى بولعان نورماند حودجەس اۋرۋحانادا جاتىپ، ءوزىنىڭ ومىرىندەگى ەڭ تاڭ قالارلىق وقيعانى ايتىپ بەردى. ءوزىنىڭ 78 جاستا ەكەندىگىنە قاراماستان بولعان وقيعا بۇگە-شۇگەسىنە دەيىن ەسىندە قالعان، دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.

41 جىلى بۇل ادام سرۋ قىزمەتكەرى بولعان جانە دە قاۋىپسىزدىك قىزمەتىنىڭ ەڭ مىقتى دا بەدەلدى قىزمەتكەرى بولعان. نورماندتىڭ ايتۋىنشا، ول تاپسىرىسپەن ادام ولتىرەتىن بولعان، ونىڭ نەگىزگى مىندەتى – ءوز ەلىنە ءقاۋىپ توندىرەتىن ادامداردىڭ كوزىن قۇرتۋ ەدى. ولاردىڭ كوپشىلىگى – ءتۇرلى ساياساتكەرلەر، ب ا ق وكىلدەرى، بەلسەندىلەر مەن عالىمدار بولدى. بەلگىلى بولعانداي، نورماند 37 ادامدى تاپسىرىس ارقىلى ولتىرگەن. وسىلاردىڭ ىشىندە ول تەك ءبىر قىلمىسى جايىندا عانا ەسكە الادى.

ول – ايگىلى مەرلين مونرو ەدى. ونىڭ كوزىن قۇرتۋداعى باستى سەبەپ – مەرلين مونرو اقش ەلىنە ءقاۋىپ توندىرەتىن تۇلعا ەدى. سونىمەن قاتار، مەرلين مونرو كەننەديدىڭ اشىناسى بولا ءجۇرىپ، فيدەل كاسترومەن دە كوڭىل جاراستىرعان. ءدال وسى فاكتى اكتريسانىڭ كوزىن قۇرتۋعا سەبەپ بولدى.

«دجيممي حەيۆورت ەسىمدى كوماندير بۇل ءولىمدى وزىنە ءوزى قول سالعان سەكىلدى ەتىپ ۇيىمداستىرۋ كەرەكتىگىن ايتتى. مەن ەشقاشان دا ايەل ادامداردى ءولتىرىپ كورمەگەن ەدىم، ءبىراق ءوز ەلىم ءۇشىن مۇنداي قادامعا بارۋعا ءماجبۇر بولدىم. مونرو، شىن مانىسىندە، وزگە ەلدىڭ ادامىنا ءبىزدىڭ ەلىمىزدىڭ ستراتەگيالىق جوسپارىن وپ-وڭاي ايتىپ بەرە سالاتىن ەدى، ال ءبىز بۇعان جول بەرمەۋىمىز قاجەت بولدى»، - دەيدى نورماند حودجەس.

مەرلين مونرو 1962 جىلدىڭ 5 تامىزىندا كوز جۇمدى. حودجەستىڭ ايتۋىنشا، ول اكتريسا ۇيىقتاپ جاتقان كەزىندە ونىڭ پاتەرىنە كىرىپ، مونروعا سەداتيۆتى پرەپاراتتىڭ ۇلكەن دوزاسىن ۋكولمەن سالعان، ناتيجەسىندە اكتريسا كوز جۇمعان ەكەن.

نورماندتىڭ بۇل مالىمدەمەسىنەن كەيىن فبر تەرگەۋ جۇمىستارىن باستاپ، نورماند حودجەستىڭ ءوزىن قاماۋعا الىپتى. الايدا بۇل قىلمىستى بىلەتىن جالعىز كۋاگەر دجەيمس حەيۆورت 2011 جىلى كوز جۇمعان، سوندىقتان دا بۇل ىسكە قاتىستى تەرگەۋ جۇمىستارى تىم باياۋ جۇرۋدە.