الەمدەگى ۇلتتار ءۇش نيەتكە بەيىمدەلىپ بولدى: شالقار ۇلتتار قاينار قامىمەن، ءداستۇر ۇلتتار زامان قامىمەن، شەكتى ۇلتتار جانباعىس قامىمەن جاسايدى.

اتازامان ۇلتتار ارا قاقتىعىسۋ وزدەرىن ايگىلەۋ ءۇشىن بولعان. قانداي دا ۇلت سوعىسقا ۇمتىلىس جاساماسا، ءوز ىرىقتىلىعىنان ايىرىلاتىن نەمەسە ۇلتتىق اكىمياتى اياقتايتىن. ال ءقازىر مەملەكەت ايقىندالىپ، ءبىر بىرىنە ۇلگى بولۋعا ۇمتىلىس جاساۋدا. قاقتىعىسۋ شاپاعات شىعىسۋعا اينالدى. وركەنيەت بىرلىكتى حالقارالاندىرىپ الەم تىنىشتىعىن ساقتاۋعا ورلەدى. سوندىقتان ءارقانداي ۇلت ۇلگى بىرلىگىمەن قۇلشىنسا، بۇگىن دۇنيەگە حوش كورىنەدى. شارتاراپتى ءالۋاندۇر سايكەسۋگە قىزىقتىرادى. مۇندا ۇلت وركەنيەتىمەن باۋراۋ توتەنشە ابىرويلى. الايدا، ۇلگى بولارلىق ۇلتتىق بىرلىك كورسەتە الماسا ەشكىم دە مەنسىنبەيدى. قايتا كىم كورىنگەن كەتىك-تەتىگىن اڭدىپ، جان دۇنيەسىن مۇرىندىقتايدى. بىرتە-بىرتە ءوز نارسەسىنە ءوزى يە بولۋعا مۇمكىندىك تە قالدىرمايدى. ويتكەنى، سەركە ۇلتتار جاي ۇلتتاردى تەك ولجا، قاينار رەتىندە عانا قابىلدايدى.

ءيا، اياق استىنان قازاقتىڭ بايى جۇدەپ، كەدەيى جۋارعان، ۇلت جاندىسى تۇتىعىپ، ورىسنيەتتىسى سايراعان، سونىڭ سالدارىنان 70 جىل ءبىرىن ءبىرى رەنجىتىپ ءجۇرىپ ءوزارا كوڭىلدەرىن سۋىتىپ العان. اتتان دەسە تۇگەل اتتاناتىن حالىق ، اياعى بىرىنە ءبىرى تىڭداپ ەرمەيتىن رۋحى توزعان حالىققا اينالعان، ءبىراق بۇل مامىلە باپ سياقتانعانىمەن شىن مانىندە ءاتۇستى سىلتەمە، ءومىر بولمىسنيەتىن شىنايى تۇسىنبەيتىندەردىڭ ءتۇيىقدىل كوزقاراسى عانا، سەبەبى سول داۋىردە مەملەكەت مۇددەسى ورىس مۇددەسىمەن ساباقتاس ەدى، قوعام ورىستى مويىندامايتىن دارىندىلارعا ەسە بەرمەي، جاقتايتىن اقىماقتاردى قولداپ تۇرعان. ارينە، اتاققا ۇمتىلمايتىن قۋ تۋمايتىندىقتان، ومىردە اسا كوڭىلشەك پەن ناعىز شىنشىل ماندىمايدى؛ حالىق قالاۋىن بىلەتىن اقىلدى جومارت پەن دارىندى ءادىل عانا دۇنيەنى وزگەرتە الادى. بىلسەك دانىشپان اباي ەلى تىڭداماعان سەبەبىن ۇقپاي، اق دالاعا ۋاعىندا كەلگەن ساۋات ورايىن جىبەرىپ قويعان. تاعدىر ونى اعا سۇلتان شاڭىراعىنا جايشا بۇيىرماعان بولسا كەرەك، بۇگىنگى نۇرسۇلتاندى ارناعانداي. اككى قوعام قىسىپ تۋرعاندا دا «16 جەلتوقسان» تاۋەلسىزدىككە نەگىز بولدى عوي. دەمەك، قازاق قاشان دا ۇلى تاۋدىڭ ەركەك قاس وزەنى ىسپەتتى، بوگەسە دۇلەي تاسقىندا ءقادىرىن بىلسە جاقىنعا رۋحاني سۋسىن!

ۇلتتىق رۋح – ۇلتقا دەگەن ازاماتتىق ءدىل (جۇرەك). ال قازاقي ۇلگى – دارا جانداردىڭ دارىنى جانە قارا حالىقتىڭ حوشى ارقىلى قالىپتاسقان. ەندەشە، ءوزىن سونشالىق تانىتۋعا ءوز ازاماتىن سۇلتان، وزگە ازاماتىن ۇلتان ساناتاتىن ۇلتتىق مۇددە سەبەپ بولعان. ويتكەنى، ۇلت مۇددەسى – رۋحتىڭ جانى، بىرلىكتىڭ ءجۇزى، تاعدىردىڭ تۋى!

ءادىل ساناتبەك