«Qazcontent» اق قۇرىلىمىنا كىرەتىن Kaztube.kz بەينە-پورتالى «مەن – ءموبيلدى (ۇتقىر) رەپورتەرمىن» كونكۋرسىن جاريا ەتتى، دەپ جازادى Qamshy.kz اقپارات اگەنتتىگى. باس جۇلدە – 200 مىڭ تەڭگە.

«ۇيالى تەلەفونعا بەينە (ۆيدەو) تۇسىرگەندى ۇناتاسىڭ با؟ قىزىقتى وقيعالاردىڭ ۇنەمى بەل ورتاسىندا جۇرەسىڭ بە؟ سەنىڭ بەينەڭدى كوپشىلىك كورگەنىن قالايسىڭ با؟ ولاي بولسا، جىلدىڭ باستى كونكۋرسىنا قاتىسۋعا دەگەن ءوز مۇمكىندىگىڭدى جىبەرىپ الما. Kaztube.kz بەينە-پورتالى «مەن – ءموبيلدى (ۇتقىر) رەپورتەرمىن» اتتى اي سايىنعى تۇڭعىش كونكۋرسىن جاريالايدى،-دەپ ۇيىمداستىرۋشىلار بولاشاق قاتىسۋشىلارعا ۇندەۋ تاستادى.

«Qazcontent» اق باسقارما ءتوراعاسى ەۆگەنيي كوچەتوۆتىڭ ايتۋىنشا، ۇيالى تەلەفون ءبىزدىڭ ءومىرىمىزدىڭ اجىراماس بولىگىنە اينالدى، سوندىقتان دا ۇيىمداستىرۋشىلار بۇدان بارىنشا پايدا الۋدى ۇسىنادى.

«ايىنا ءبىر رەت ءبىز ۇيالى تەلەفونعا تۇسىرىلگەن بەينە جەڭىمپازىنا 200 مىڭ تەڭگە تابىستايتىن بولامىز.  بۇدان باسقا، ۇزدىك بەينەلەر Bnews جانە BAQ جاڭالىقتار پورتالىندا ورنالاستىرىلاتىن بولادى. باستى كريتەريي – ورنالاستىرىلعان ءبىرىنشى تاۋلىك ىشىندە بەينەنىڭ مۇمكىندىگىنشە كوپ قارالۋى. سىزگە، ەڭ باستىسى، بەينەنى kaztube.kz پورتالىنا جۇكتەۋ كەرەك، سودان باستاپ، ءسىز اۆتوماتتى تۇردە 200 مىڭ تەڭگە ۇتىسىنا قاتىساسىز»، - دەيدى ول ءوزىنىڭ Facebook پاراقشاسىندا.

«Qazcontent» اق-نىڭ وتاندىق نارىقتىڭ مەديا سالاسىنداعى جەتەكشى ويىنشىلارىنىڭ ءبىرى ەكەندىگىن اتاپ وتەمىز. بىلتىر كومپانيا بارلىق جوبالارعا قاتىستى اۋقىمدى رەبرەندينگ وتكىزدى.