قازاقستاندىق ءانشى ديماش قۇدايبەرگەن Top global Chinese music awards جۇلدەسىنىڭ "جىلدىڭ ەڭ تانىمال ءانشىسى" نوميناسياسىندا جەڭىسكە جەتتى، دەپ جازادى Qamshy.kz اقپارات اگەنتتىگى. 

«CCTV تەلەارناسى جىل سايىنعى Top global Chinese music awards اتتى ماراپاتتاۋ كەشىن وتكىزۋدە. بۇگىنگى كەشتە "جىلدىڭ ەڭ تانىمال ءانشىسى" نوميناسياسىندا ەكىنشى جىل قاتارىنان جەڭىمپاز اتانىپ وتىرمىن. سىزدەردى قاتتى جاقسى كورەمىن، ماحابباتتارىڭىزعا ۇلكەن راحمەت"، - دەپ جازدى ديماش ينستاگرامداعى ءوز پاراقشاسىنا.

ايتا كەتەيىك، «Singer 2017» ءان دوداسىندا ەكىنشى ورىن العاننان كەيىن ديماشتىڭ قىتايدا جانە باسقا دا ەلدەردە تانىمالدىلىعى ارتا ءتۇستى. 2017 جىلى ول قىتايدىڭ ءبىرقاتار جۇلدەلەرىن جەڭىپ الدى. وتكەن ايدا ديماش قۇدايبەرگەن قىتايداعى Global golden chart awards سالتاناتتى كەشىندە «ۇزدىك ءارتىس» نوميناسياسىندا جەڭىمپاز اتاندى.