وڭتۇستىك كورەيا سوتى ەلدىڭ بۇرىنعى پرەزيدەنتىنىڭ قۇربىسى چحۆە سۋن ءسيلدى 20 جىلعا باس بوستاندىعىنان ايىرۋ تۋرالى شەشىم شىعاردى. ول پارا الدى، ەلدىڭ ساياسي ىسىنە ارالاستى دەپ ايىپتالعان دەپ حابارلايدى Qamshy.kz اقپارات اگەنتتىگى. سونىمەن قاتار، چحۆە سۋن سيل 18 ملرد ۆون ايىپپۇل تولەيدى (16،6 ملن دوللار شاماسىندا).

چحۆە سۋن سيل بىرنەشە جىل ەكس-پرەزيدەنت پاك كىن حەنىڭ كەڭەسشىسى بولعان.

پاك كىن حە مەن چحۆە سۋن سيل اينالاسىنداعى داۋ ءجۋرناليستىڭ قوناق ءۇي قوقىس جاشىگىنەن قۇپيا قۇجاتى بار پلانشەتتى تاۋىپ العاننان كەيىن باستالدى. وندا وڭتۇستىك كورەيا پرەزيدەنتىنىڭ جيىنداردا ايتاتىن سوزدەرى جازىلعان.

پاك كىن حە پرەزيدەنت قىزمەتىن اتقارعاندا جيىندا ايتاتىن سوزدەرىن دايىنداۋ بارسىندا جاقىن قۇربىسىمەن كەڭەسكەنىن، وسىلايشا وعان ەلدىڭ قۇپيا قۇجاتتارىن كورسەتكەنىن مويىندادى. بۇل وڭتۇستىك كورەيا كونستيتۋسياسىن بۇزۋ بولىپ سانالادى.

چحۆە سۋن سيلگە 2016 جىلى قاراشادا ءوز قىزمەتىن اسىرا پايدالانۋ ايىبى تاعىلدى.