قازاقستان پرەزيدەنتى نۇرسۇلتان نازاربايەۆ جۇڭگو حالقىن «CCTV-13» ارناسىنا بەرگەن سۇحباتىندا جاڭا جىلدارىمەن قۇتتىقتادى، دەپ جازادى Qamshy.kz اقپارات اگەنتتىگى.

قىتايدا باستى ارنا سانالاتىن «CCTV-13» ارناسى قازاقستان پرەزيدەنتىنىڭ جۇڭگو حالقىن جاڭا جىلمەن قۇتتىقتاعان ۆيدەوسىن جاريالادى.

كەلە جاتقان كوكتەم مەرەكەسى جۇڭگو كۇنتىزبەسى بويىنشا جاڭا جىل بولىپ سانالادى.

«قىتايدىڭ تاتۋ كورشىسى رەتىندە قازاقستان حالقى قىتايلىقتاردى جاڭا جىل مەرەكەسىمەن قۇتتىقتايدى. بارشا جۇڭگو حالقىنا تىنىشتىق پەن بەرەكە، زور دەنساۋلىق، باقىت تىلەيمىن. سونىمەن قاتار، 19-سەزدە قويىلعان ماقساتتارعا مەرزىمىنەن بۇرىن قول جەتكىزىپ، جاقسى ناتيجە كورسەتۋلەرىن تىلەيمىن. ەكى ەلدىڭ قارىم-قاتىناسى وتە تىعىز بولعاندىقتان، جۇڭگو حالقىنىڭ باقىتى ءبىز ءۇشىن وتە ماڭىزدى. الداعى ۋاقىتتا ءالى دە كوپتەگەن جۇمىستى بىرلەسىپ اتقاراتىن بولامىز»، - دەپ اتاپ ءوتتى ەلباسى.

قازاقستان پرەزيدەنتى جۇڭگو حالقىن تۆ ارقىلى جاڭا جىل مەرەكەسىمەن قۇتتىقتاعان العاشقى شەتەلدىك كوشباسشىلاردىڭ ءبىرى بولدى.

ەسكە سالا كەتەيىك، قازاقستان پرەزيدەنتى نۇرسۇلتان نازاربايەۆ جۇما كۇنى قىتايدىڭ «CCTV-13» ارناسىنا سۇحبات بەرگەن بولاتىن.