جۇزدەگەن مۇسىلمان ايەل كىشى جانە ۇلكەن قاجىلىق كەزىندەگى سەكسۋالدى زورلىق تۋرالى اشىپ ايتتى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. ولار ءوز باستارىنان وتكەن وقيعانى #MosqueMeToo حەشتەگى ارقىلى الەۋمەتتىك جەلىگە جاريالاۋدا.

«مەنىڭ 33 جاستاعى كايردىڭ تۇرعىنىمىن. مەن قاجىلىق كەزىندە سەكسۋالدى ءجابىردى ەكى رەت باسىمنان وتكەردىم. مەن العاش رەت 22 جاسىمدا ۋمرا جاسادىم. قاجىلىق جاساپ جۇرگەندە ارتىمنان بوتەن ەركەك ءتۇرتىپ، ماعان ءتيىستى. كەلەسى قاجىلىق ساپارىم بىرنەشە جىلدان كەيىن بولدى. مەن قاسيەتتى قاعبانى تاۋاف ەتىپ، اينالىپ جۇرگەن كەزدە مەنىڭ ارتىمنان بوتەن جىگىت قالماي ەرىپ ءجۇردى. العاشىندا مەن سايكەستىك دەپ ويلادىم. الايدا ول ءبىراز ۋاقىتتان كەيىن ماعان قاراپ جىميىپ، مەنىڭ كوزىمە ۇزاق ۋاقىت قاراپ تۇرعانىن بايقادىم. مەن ونىڭ كوزقاراسىنان قاتتى شوشىنىپ قالدىم. بۇل وقيعانى مەن ەشقاشان ۇمىتا المايمىن»، - دەيدى سالما ومار اتتى ءۇش بالانىڭ اناسى.

سونىمەن بىرگە ول وسى سەكىلدى جايتتار كەز كەلگەن مەملەكەتتە، قالادا بولۋى مۇمكىن، الايدا قاسيەتتى مەككەدە وسىنداي جايتتىڭ ورىن الۋى ادام سەنگىسىز ەكەنىن ايتتى.

كەي ادامداردىڭ پىكىرىنشە بۇل وقيعانى سەكسۋالدى زورلىق دەپ اتاۋعا بولمايتىن شىعار. الايدا يسلام ءدىنىن قاتتى ۇستاناتىن ەلدىڭ تۇرعىندارى ءۇشىن بۇل قالىپتى جاعداي ەمەس. سونىمەن بىرگە كوپتەگەن ادامنىڭ ويىنشا، بەس پارىزدىڭ ءبىرىن ورىنداپ جاتقان مۇسىلمان جامان پيعىلدى ويىنا دا الماۋ كەرەك.

ال كەيبىر مۇسىلماندار  الەۋمەتتىك جەلىدەگى وسىعان ۇقساس جازبالارعا قارسى پىكىرىن ءبىلدىرىپ تە جاتىر. ولار دا مەككەگە بىرنەشە رەت بارعانىن، الايدا وسىعان ۇقساس جايتتى ەشقاشان كەزدەستىرمەگەنىن العا تارتۋدا.