«جاس وتان» ورتالىق كەڭەس مۇشەلىگىنە ۇمىتكەرلەردى سايلاۋ اياقتالدى. 18 قاڭتار كۇنى جاستار ۇيىمى العاش رەت كەڭەستىڭ 16 مۇشەسى داۋىس بەرۋ ارقىلى تاڭدالاتىنىن جاريا ەتتى. جەڭىمپازدار قاتارىندا «Ninety One» توبىنىڭ ءسوليسى دۋلات مۇحامەتقالييەۆ پەن قايىرىمدىلىقپەن اينالىساتىن قاراعاندىلىق نياز سۋنديتالييەۆ تە بار، دەپ جازادى Qamshy.kz اقپارات اگەنتتىگى. 

1 ايعا سوزىلعان سايلاۋ «نۇر وتان» پارتياسىنىڭ جاستار قاناتىندا عانا ەمەس، جالپى مەملەكەتتىك جاستار ساياساتىندا، قوعامدا ۇلكەن رەزونانس تۋدىردى. سايلاۋ ناتيجەسى تۋرالى ساندار سويلەيدى: رەسپۋبليكا بويىنشا 363 جاس كوشباسشى سايلاۋعا قاتىسۋعا نيەت ءبىلدىردى، #jasotansailau حەشتەگى 1 458 رەت قولدانىلدى، قاتىسۋشىلاردىڭ ۆيدەوۇندەۋىن جالپى 100 000-نان استام ادام لايك باستى، تەلەگراممدا داۋىس بەرگەن 38 857 ادامنىڭ 14 467ء-سى «جاس وتان» قۇرامىندا. ال ءقازىر «جاس وتان»-نىڭ رەسمي تەلەگرامم كانالىن 9 مىڭنان استام قولدانۋشى وقيدى، وسىلايشا ۇيىمدار اراسىندا قازاقستاندا ەڭ كوپ وقىرمانى بار كانالدار قاتارىنا قوسىلدى.

4 جىل بويى جاڭا سايلانعان 16 كوشباسشى كەڭەس قۇرامىنا كىرەتىن قالعان 16 ايماقتىق فيليالداردىڭ توراعالارىمەن بىرگە جۇمىس اتقارادى. ال ورتالىق كەڭەستى «جاس وتان» جق ءتوراعاسى دانيار سۇندەتبايەۆ باسقارادى.

دانيار سۇندەتبايەۆ، «جاس وتان» جق ءتوراعاسى:

«ورتالىق كەڭەس دەموكراتيالىق جولمەن سايلاندى. ءار ايماقتىڭ كوشباسشىسىن جاستار وزدەرى انىقتادى. سوڭعى كەزەڭگە جەتكەن قاتىسۋشىلاردىڭ بارلىعى ءوز ايماقتارىندا بەدەلدى، جاستار اراسىندا قۇرمەتكە يە، ەلى ءۇشىن ايانباي ەڭبەك ەتۋگە دايىن ازاماتتار مەن ازاماتشالار. قاتىسۋشىلاردىڭ بارلىعىنا وزدەرىنە ارتىلاتىن اۋىر جۇكتى كورەتۋگە دايىندىقتارى مەن جاستار ساياساتىندا كورسەتكەن بەلسەندىلىكتەرى ءۇشىن العىس ايتامىن. ارينە تەحنيكالىق قوسىمشالاردىڭ كومەگىمەن داۋىس سانىن وزگەرتۋگە تىرىسقان ۇمىتكەرلەر بولدى، ولاردى دەر كەزىندە انىقتادىق. سايلاۋدىڭ اشىق جانە ءادىل بولعانىن سەنىممەن ايتا الامىن. «جاس وتان» ول سايلانعان كوشباسشىلار ەمەس، ول – قازاقستاننىڭ بارشا جاستارى. ءبىز كەز كەلگەن جاستىڭ ۇسىنىسىن تىڭداپ، بىرگە جۇمىس جاساۋعا دايىنبىز».

سايلانعان كەڭەس مۇشەلەرى «جاس وتان»-نىڭ IV سەزىندە باس قوسادى جانە كەڭەس جۇمىسىنىڭ بولاشاق  جوسپارى جانە قىزمەتىمەن تانىسادى.

استانا قالاسى بويىنشا 5 ۇمىتكەردىڭ اراسىنان ۇزدىك شىققان Arutas بەتوندىق ونىمدەر شىعاراتىن زاۋىتىنىڭ باسشىسى اليمكۋلوۆ بەكجان سايلاۋ تۋرالى:

«ەلىمىزدەگى جاس كاسىپكەرلەردى قولداۋ ماقساتىندا وسى سايلاۋعا ءوز ۇمىتكەرلىگىمدى ۇسىندىم. سايلاۋ تارتىستى جانە قىزىق ءوتتى. ەندى جەڭىسكە جەتكەن 16 كوشباسشىنى ۇلكەن سىناق پەن كوپتەگەن جۇمىس كۇتىپ تۇر. ءبىزدى قولداعان جانە داۋىس بەرگەن جاستاردىڭ ءۇمىتىن اقتاۋىمىز قاجەت».

«جاس وتان» جاستار قاناتىنىڭ ورتالىق كەڭەس مۇشەلىگىنە ۇمىتكەر 16 جەڭىمپازدىڭ ءتىزىمى:

الماتى قالاسى – دۋلات مۋحامەتقالييەۆ، «Ninety One» توبىنىڭ ءسوليسى

استانا قالاسى – بەكجان اليمكۋلوۆ، Arutas بەتوندىق ونىمدەر شىعاراتىن زاۋىتىنىڭ باسشىسى

اقمولا وبلىسى – بايراموۆ يسلام، ستۋدەنت، كوكشەتاۋ جاستارىنىڭ كوشباسشىسى

اقتوبە وبلىسى – ابدراحمانوۆ قۋانشىبەك،  «اكتوبەمۋنايماشكومپلەكت» ج ش س تەمىر ۇستاسى

الماتى وبلىسى – ابىلقاس مەرۋەرت، «تالدىقورعان مەديسينالىق كوللەدجى» جاستار ءىسى جونىندەگى كوميتەت ءتورايىمى

اتىراۋ وبلىسى – كونىسبايەۆ يلياس، «دارىن» مەملەكەتتىك سىيلىعىنىڭ لاۋرەاتى

بقو – سۇڭعاتوۆ جاندوس، بقو «جاس وتان» جاستار قاناتىنىڭ مەنەدجەرى 

جامبىل وبلىسى – سەرىكبول بەرىكقوجا، تاراز قالالىق ماسليحات دەپۋتاتى

قاراعاندى وبلىسى – سۋنديتالييەۆ نياز، قوعام قايراتكەرى، مۇگەدەك جاستار ماسەلەسىن كوتەرەدى

قوستاناي وبلىسى – جۋسۋپوۆ اباي، قوستاناي مەملەكەتتىك پەداگوگيكالىق ينستيتۋتى، ستۋدەنتتەر مەن جاستار ۇيىمدارىمەن جۇمىس ءبولىمىنىڭ باستىعى

قىزىلوردا وبلىسى – ەرالييەۆ ماعجان، 1000 ادامدى جۇمىسپەن قامتىپ وتىرعان جاس كاسىپكەر

ماڭعىستاۋ وبلىسى – قۇرمانعالييەۆ عاني، جاڭاوزەن قالاسى جاستار ءىسى جونىندەگى كوميتەت باسشىسى

وقو – Aبىلاي مۋسابەكوۆ، وقو اكىمى اپپاراتى «قوعامدىق كەلىسىم» كمم اۋداندىق فيليالىنىڭ جەتەكشىسى

پاۆلودار وبلىسى – قيناياتوۆ سەرىكبولسىن، پاۆلودار وبلىستىق «جاس وتان» جاستار قاناتىنىڭ مەنەدجەرى 

سقو – ارمانوۆ رۋستەم، دەبات تۋرنيرلەرىنىڭ قاتىسۋشىسى، «ۇزدىك سپيكەر» - 2017

شقو – بالتابەكوۆ ەركەبۇلان، شقو ىشكى ساياسات باسقارماسىنىڭ باس مامانى.