ناتاليا نيكولايەۆنا گودۋنوۆا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى بولىپ تاعايىندالدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
مەملەكەت باسشىسىنىڭ جارلىعىمەن نۇرمۇحامبەت قاناپيا ۇلى ابدىبەكوۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قىزمەتىنەن بوساتىلدى.
ناتاليا نيكولايەۆنا گودۋنوۆا 1972 جىلى 24 مامىردا ورال قالاسىندا دۇنيەگە كەلگەن.
1993 جىلى باتىس قازاقستان اۋىلشارۋاشىلىق ينستيتۋتىن بىتىرگەن. رەسەي فەدەراسياسى ۇكىمەتى جانىنداعى قارجى اكادەمياسىن ءتامامدادى.
ەڭبەك جولى:
1993-1996 ج.ج. ورال قالاسىنداعى «اگروپرومبانك «ورال» ەكونوميسى؛
1997-1998 ج.ج. باتىس قازاقستان مەملەكەتتىك مۇلىك جانە جەكەشەلەندىرۋ اۋماقتىق كوميتەتىنىڭ جەتەكشى مامانى، باسشىسىنىڭ ورىنباسارى، باسشىسى؛
- 1998-2004 ج.ج. باتىس قازاقستان وبلىسى اكىمدىگىنىڭ اپپاراتى ەكونوميكالىق رەفورما ءبولىمىنىڭ باس مامانى، ءبولىم باستىعى؛
- 2004-2005 ج.ج. باتىس قازاقستان وبلىسى ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى؛
- 2005-2006 ج.ج. رەسەي فەدەراسياسىنداعى قازاقستان رەسپۋبليكاسى ساۋدا وكىلدىگىنىڭ ەكونوميست-كەڭەسشىسى؛
- 2006-2009 ج.ج. ماڭعىستاۋ وبلىسى اكىمىنىڭ كەڭەسشىسى 2009-2012 ج.ج. رەسەي فەدەراسياسىنداعى قازاقستان رەسپۋبليكاسى ساۋدا وكىلىنىڭ قىزمەتىن اتقارۋشى؛
- 2012-2013 ج.ج. قازاقستان رەسپۋبليكاسى پرەمەر-مينيسترىنىڭ ورىنباسارىنىڭ كەڭەسشىسى؛
- 2013-2015 ج.ج. قىزىلوردا وبلىسى اكىمىنىڭ ورىنباسارى 2015 جىلى «نۇر وتان» پارتياسىنىڭ حاتشىسى؛
- 20 جەلتوقساندا ق ر پارلامەنتى ءماجىلىسىنىڭ پلەنارلىق وتىرىسىندا قازاقستان رەسپۋبليكاسى ورتالىق سايلاۋ كوميسسياسىنىڭ مۇشەcءى لاۋازىمىنا تاعايىندالدى.
