بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە اۋا رايى قۇبىلمالى بولادى. كەي جەرلەردە جاۋىن جاۋادى، تەك رەسپۋبليكانىڭ شىعىسىندا اۋا رايى جاۋىن-شاشىنسىز. رەسپۋبليكانىڭ كەي جەرلەرىندە جەل كۇشەيەدى، جاياۋ بۇرقاسىن بولادى، سولتۇستىكتە، وڭتۇستىكتە جانە وڭتۇستىك-شىعىستا كوكتايعاق بولادى. ەلدىڭ باسىم بولىگىندە تۇمان ساقتالادى دەپ حابارلايدى Qamshy.kz اقپارات اگەنتتىگى  ق ر ءىىم تجك باسپا ءسوز قىزمەتىنە سىلتەمە جاساي وتىرىپ. 

جامبىل، وڭتۇستىك قازاقستان، قىزىلوردا وبلىستارىنىڭ كەي جەرلەرىندە تۇمان كۇتىلەدى، جەلدىڭ جىلدامدىعى 15-20، ەكپىنى 23-28 م/س بولادى. جامبىل، وڭتۇستىك قازاقستان وبلىستارىندا كەي جەرلەردە 30 م/س-عا دەيىن كۇشەيەدى.

جامبىل، قىزىلوردا وبلىستارىندا كوكتايعاق كۇتىلەدى. قاراعاندى، اقمولا وبلىستارىنىڭ كەي جەرلەرىندە تۇمان، كوكتايعاق بولادى، جەلدىڭ جىلدامدىعى 15-20 م/س-عا دەيىن كۇشەيەدى. الماتى وبلىسىنىڭ كەي جەرلەرىندە تۇمان تۇسەدى، تۇندە جالاڭاشكول اۋدانىندا جەلدىڭ جىلدامدىعى 15-20 م/س-عا دەيىن كۇشەيەدى.

ماڭعىستاۋ، باتىس قازاقستان، اقتوبە، تۇندە اتىراۋ، پاۆلودار  وبلىستارىنىڭ كەي جەرلەرىندە تۇمان كۇتىلەدى، اتىراۋ وبلىسىندا كوكتايعاق بولادى. قوستاناي،  سولتۇستىك قازاقستان وبلىستارىنىڭ كەي جەرلەرىندە تۇمان،  جاياۋ بۇرقاسىن، جەل 15-20 م/س كۇشەيەدى.