بۇگىن «قولجەتىمدى حقو» اكسياسى اياسىندا «شاپاعات» كوممۋنالدىق بازارىنىڭ ساتۋشىلارى مەن ساتىپ الۋشىلارى ساۋداسىنان قول ۇزبەي-اق، مەملەكەتتىك قىزمەتتەردى الۋ مۇمكىندىگىنە يە بولدى دەپ حابارلايدى Qamshy.kz اقپارات اگەنتتىگى. «استانا – ادالدىق الاڭى» جوباسى شەڭبەرىندە جۇزەگە اسىپ جاتقان بۇل اكسيانى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ استانا قالاسى بويىنشا حالىققا قىزمەت كورسەتۋ ورتالىعى دەپارتامەنتى ۇيىمداستىرۋدا.

ەسكە سالا كەتەيىك، «Mega Silk Way» جانە «حان شاتىر» ويىن-ساۋىق ورتالىقتارىندا دا وتكىزىلگەن «قولجەتىمدى حقو» اكسياسى بارىسىندا كەلۋشىلەر ەسق-عا يە بولىپ، مەملەكەتتىك قىزمەتتەردى ونلاين تارتىپتە الۋ ادىسىمەن تانىسقان بولاتىن.  سونداي-اق جوبا اياسىندا حقو وكىلدەرى مەملەكەتتىك مەكەمەلەردە، ءىرى ساۋدا ورتالىقتارىندا، ورتا مەكتەپتەردە ازاماتتارعا ەسق بەرىپ، ەلەكتروندىق ۇكىمەت پورتالى ارقىلى مەملەكەتتىك قىزمەتتەردى الۋعا ماشىقتاندىردى. اكسيا باستالعاننان بەرى بەس مىڭنان استام ەسق بەرىلدى.