جازۋشى، جۋرناليست، فەلەتونشى ۋايدين ۇمبەتباي ۋايدا ۇلى ومىردەن وزدى دەپ حابارلايدى Qamshy.kz اقپارات اگەنتتىگى. 

ۇمبەتباي ۋايدين 1935 جىلى 10-شى قازاندا اقتوبە وبلىسى ىرعىز اۋدانى "تەمىرباستاۋ" اۋىلىندا دۇنيەگە كەلگەن. ءال-فارابي اتىنداعى قازۇۋ-دى بىتىرگەن. 

1954-1958 جىلدار ارالىعىندا دونباستاعى كراسنىي لۋچ قالاسىندا شاحتا قۇرىلىسشىسى بولعان.

1958 ج. شالقار اۋدانى گازەتى رەداكسياسى جانىنداعى باسپاحانادا ءارىپ تەرۋشى بولىپ جۇمىس ىستەگەن. 1959 جىلدان قازاق راديوسى، "ارا" جۋرنالى، "ونەر" باسپاسى، قازاقستان كىتاپقۇمارلار قوعامى مەن جازۋشىلار وداعىندا ءارتۇرلى قىزمەت اتقارعان.

ءۋايديننىڭ "قارا كوزىلدىرىك" (1968)، "قۇردىم شيىر" (1971)، "ەندىگىسىن ايتپايمىن" (1974)،"ءىشىڭ ءبىلسىن"(1976)،"كونتەينەرمەن كەلگەن كەمپىر" (1978)، "ءتىلسىز قوڭىراۋ" (1980)، "بىدى-بىدى" (1982)، "نانايىن با، نانبايىن با؟" (1984)، "ينابات يىرىمدەرى" (1985)، "ماسەلە قايدا جاتىر؟" (1987)، "پالەن-پاشتۋان" (1992)، "ماڭگىلىك ماسەلە" (1993) كىتاپتارى جارىق كورگەن. شىعارمالارى ورىس، ۋكراين، قىرعىز، قاراقالپاق، تۋۆا تىلدەرىنە اۋدارىلعان.