الەۋمەتتىك مەديسينالىق ساقتاندىرۋ قورى تىركەۋ ەرەجەسىنە وزگەرىس ەنگىزۋدى كوزدەپ وتىر، بۇل رەتتە ازاماتتار ەمحانانىڭ تىركەلۋ  بولىمىنە جۇگىنبەي-اق تىركەلەتىن بولادى، دەپ جازادى Qamshy.kz اقپارات اگەنتتىگى.

بۇل قىزمەت  دەنساۋلىق ساقتاۋ جۇيەسىندە ەلەكتروندى قىزمەتتەردى ودان ءارى دامىتۋعا جانە پاسيەنتتەردىڭ قۇقىعىن قورعاۋ تەتىكتەرىن جەتىلدىرۋگە باعىتتالعان. ازاماتتاردىڭ بارلىق قاجەتتى قۇجاتتارى حقكو نەمەسە egov.kz پورتالى ارقىلى قابىلدانادى.

مۇنداي ءتاسىل ءبىر مەزگىلدە بىرنەشە ماسەلەنى شەشۋگە مۇمكىندىك بەرەدى. اتاپ ايتقاندا، تىركەۋ تۋرالى مالىمەتتەردىڭ مەديسينا ۇيىمدارى تاراپىنان بۇرمالانۋ ءقاۋپىن تومەندەتىپ، ەمحانالاردىڭ تىركەۋ بولىمدەرىنە تۇسەتىن جۇكتى ازايتادى. سونداي-اق، ازاماتتاردى تىركەۋدەن نەگىزسىز باس تارتۋ فاكتىلەرىن قىسقارتادى. ءمامس جۇيەسىن ەنگىزۋ شەڭبەرىندەگى يننوۆاسيالار قولدانىستاعى ەرەجەلەردى وزگەرتۋدى تالاپ ەتەدى.

- ازاماتتاردى حقكو ارقىلى تىركەۋ قىزمەتىنىڭ ەنگىزىلۋىنە بايلانىستى، حالىقتى ەمحاناعا تىركەۋ تارتىبىنە تولىقتىرۋلار مەن وزگەرىستەر ەنگىزۋ كوزدەلىپ وتىر. وندا الاقول مەديسينا ۇيىمدارىمەن ءوزارا قارىم-قاتىناس جانە تىركەلگەن پاسيەنتتەردىڭ قۇقىقتارىن قورعاۋ ءتارتىبى جان-جاقتى جازىلادى، - دەيدى استانا قالاسى بويىنشا «ءامسق» كەاق فيليالىنىڭ ديرەكتورى نۇرلىبەك قابدىقاپاروۆ.

جەتىلدىرىلگەن تىركەۋ قىزمەتتەرى 2018 جىلدىڭ III-IV توقسانىندا قولجەتىمدى بولادى.  ازاماتتار حقكو ارقىلى مەديسينالىق ۇيىمدى ەركىن تاڭداۋ قۇقىعىن پايدالانا وتىرىپ، مەديسينالىق قىزمەت كورسەتۋشىلەردىڭ ءبىرىڭعاي دەرەكقورىنا ەنگىزىلگەن ەمحاناعا تىركەلە الادى.  سونىمەن قاتار، قازاقستاندىقتار ەمحاناعا حقكو ارقىلى تىركەلە وتىرىپ، قاي جەردە تىركەلگەنى تۋرالى مالىمەتتى دە سول ورتالىقتاردان الاتىن بولادى. قازىرگى تاڭدا بۇل قىزمەتتەر ونلاين تارتىپتە - egov.kz پورتالى ارقىلى، وففلاين تارتىپتە - ەمحانالاردا كورسەتىلەدى.

استانادا 27 مەديسينالىق مەكەمە تىركەلگەن تۇرعىندارعا قىزمەت كورسەتەدى، ونىڭ 13ء-ى مەملەكەتتىك جانە 14ء-ى جەكە مەديسينالىق ۇيىم.