«KSP Steel» مۇناي-گاز سالاسىنا ارنالعان جاپسارسىز بولات قۇبىرلار شىعاراتىن العاشقى قازاقستاندىق كاسىپورىن. ىشكى نارىقتى قامتاماسىز ەتە وتىرىپ، كومپانيا ءوز ونىمدەرىن تاياۋ جانە الىس شەتەلگە، ونىڭ ىشىندە اقش، رەسەي، وزبەكستان جانە بەلورۋسسياعا ەكسپورتتايدى.

وتاندىق كاسىپورىنعا «KazakhExport» ۇلتتىق كومپانياسى «الفا-بانك» ەب اق-مەن بىرلەسە وتىرىپ ەكسپورتتىق ساۋدانى قارجىلاندىرۋ سحەماسى بويىنشا 450 ملن رەسەي ءرۋبلى كولەمىندە قولداۋ كورسەتتى.

ەكسپورتتىق ساۋدانى قارجىلاندىرۋ – «KazakhExport» ۇلتتىق كومپانياسىنىڭ شەتەلدىك ساتىپ الۋشىلار تاراپىنان قازاقستاندىق ونىمدەرگە سۇرانىستى ىنتالاندىرۋ قۇرالى. بۇل قۇرال قازاقستاندىق بانكتەر ارقىلى قازاقستاندىق تاۋارلاردى ساتىپ الۋ ءۇشىن شەتەلدىك كومپانيالارعا ۇسىنىلادى.