بۇگىن ق ر پارلامەنتى پالاتالارىنىڭ بىرلەسكەن وتىرىسىندا ەلباسى نۇرسۇلتان نازاربايەۆ وقۋ گرانتتارى مەن جاتاقxانا تاپشىلىعىنا توقتالىپ ءوتتى، دەپ حابارلايدى Qamshy.kz اقپارات اگەنتتىگى.

–2018-2019 وقۋ جىلىندا جىل سايىن بولىنەتىن 54 مىڭ گرانتقا قوسىمشا تاعى 20 مىڭ گرانت بولىنەدى. ول گارنتتاردىڭ 11 مىڭىن سۇرانىس بار تەحنيكالىق ماماندىقتار بويىنشا باكالاۆرعا ءبولۋ جوسپارلانىپ وتىر. بۇل جەردە مەن ينجەنەرلەر، اقپاراتتىق تەحنولوگيالار سالاسى مەن روبوتوتەحنيكا، نانوتەحنولوگيا سالاسىنداعى ماماندار تۋرالى ايتىپ وتىرمىن، – دەدى نازاربايەۆ.

سونداي-اق، ەلباسى جاتاقحانا ماسەلەسىنە دە توقتالدى.

–الەمدىك ستاندارتقا سايكەس ءبىلىم جۇيەسىن قۇرۋ ماقساتىندا ستۋدەنتتەر تۇراتىن جاتاقحانا ماسەلەسىنە دە كوڭىل ءبولىپ وتىرمىز. جان-جاقتان كەلگەن جاستاردىڭ كوبى باسپانا جالداۋعا ءماجبۇر ەكەنى بارىمىزگە ءمالىم. بۇگىنگى تاڭدا جوعارى وقۋ ورىندارى مەن كوللەدجدەردىڭ ستۋدەنتتەرىن جاتاقحانامەن قامتاماسىز ەتۋ ماسەلەسىنە اسا دەن بەرىپ وتىرمىز. وسى ماسەلەنى شەشۋ ءۇشىن مەملەكەتتىك-جەكەشەلىك ارىپتەستىك اياسىندا جاتاقحانالار سالۋ قولعا الىندى. مەملەكەت ءوز تاراپىنان ءبىلىم جانە عىلىم مينيسترلىگى ارقىلى جەكە ينۆەستيسيالاردى جاتاقحانا قۇرىلىسىنا جۇمساۋعا كەپىلدىك بەرەدى. 2022 جىلعا دەيىن 25 مىڭ ورىندىق جاتاقحانا سالۋدى تاپسىرامىن، – دەدى نۇرسۇلتان نازاربايەۆ.