استانادا ق ر پارلامەنتىنىڭ بىرىككەن وتىرىسى ءوتىپ جاتىر. جيىندا ءسوز سويلەگەن مەملەكەت باسشىسى نۇرسۇلتان نازاربايەۆ جاڭا «7-20-25» باعدارلاماسىن تانىستىردى، دەپ حابارلايدى Qamshy.kz اقپارات اگەنتتىگى.

– ءبىز حالىقتىڭ باسپاناعا قول جەتكىزۋى ءۇشىن سوڭعى جىلدارى كوپ جۇمىس ىستەدىك. بىلتىر 11،2 ميلليون شارشى مەتر تۇرعىن ءۇي اۋماعى بەرىلدى. بۇل – بۇرىن-سوڭدى بولماعان رەكوردىق كورسەتكىش. ءبىراق بۇل جەتكىلىكسىز. ءالى كۇنگە دەيىن تالاي وتباسى ۇيسىز-كۇيسىز ءجۇر، - دەدى ەلباسى.

پرەزيدەنت تۇرعىن ءۇي يپوتەكاسىن جالپاق جۇرتقا قولجەتىمدى قىلۋ ارقىلى وسى ماسەلەنى شەشۋدى تاپسىردى.

– جۇمىس ىستەيتىن ءار ازامات نەسيەگە پاتەر ساتىپ الا الاتىنداي تەتىكتەردى قاراستىرۋىمىز قاجەت. مەن «7-20-25» دەگەن جاڭا باعدارلامانى ىسكە قوسۋدى ۇسىنامىن. ەڭبەك ەتۋشى ءار قازاقستاندىق مىناداي شارتتارمەن تۇرعىن ءۇيدى قارىزعا الا الادى: سىياقى مولشەرلەمەسى قازىرگىدەي جىلىنا 14-16 پايىز ەمەس، 7 پايىزدان اسپايدى. ءقازىر بانكتەر باستاپقى جارناعا 30، كەيدە 50 پايىزىن سۇراسا، بۇل باعدارلاما بويىنشا باستاپقى جارنا مولشەرى 20 پايىزدان اسپاۋى كەرەك. نەسيە 10-15 جىلعا ەمەس، 25 جىلعا بەرىلەدى، - دەپ ءتۇسىندىردى پرەزيدەنت.