استانادا ق ر پارلامەنتىنىڭ بىرىككەن وتىرىسى باستالدى. جيىندى اشقان مەملەكەت باسشىسى نۇرسۇلتان نازاربايەۆ الەۋمەتتىك سالادا ءبىرقاتار وزگەرىس بولاتىنىن مالىمدەدى دەپ حابارلايدى Qamshy.kz اقپارات اگەنتتىگى.

ەلباسىنىڭ سوزىنشە، سالىستىرمالى تۇردە جالاقىسى تومەن ازاماتتار 2019 جىلدان باستاپ ون ەسە از سالىق تولەيدى، ياعني ولاردىڭ سالىعى 1 پايىز عانا بولادى. «باستاۋ» باعدارلاماسى بويىنشا بەرىلەتىن نەسيەنىڭ كولەمى ەكى ەسەگە كوبەيەدى. ميكروكرەديتتەۋ كولەمى 2017 جىلمەن سالىستىرعاندا ەكى ەسەگە ارتادى. قازاقستانداعى 2 ملن 700 تۇرعىنعا گاز قۇبىرى تارتىلادى. استانانى كوگىلدىر وتىنمەن قامتاماسىز ەتۋ ارقىلى اۋاعا تارالاتىن زياندى قالدىقتار 6 ەسەگە ازايماق. پرەزيدەنت ۇكىمەتكە وسى گاز ماسەلەسىن الداعى 1-1،5 جىلدىڭ ىشىندە شەشۋدى تاپسىردى. سونىمەن قاتار ءبىلىم بەرۋ سالاسىندا دا وڭتايلى وزگەرىستەر بولماق. ەلباسىنىڭ ايتۋىنشا، جىل سايىن بەرىلەتىن 54 مىڭ ءبىلىم گرانتىنا قوسىمشا 20 مىڭ گرانت قوسىلادى. ستۋدەنتتەرگە ارنالعان 20 مىڭ جاتاقحانا سالىنباق.