ورالداعى وتەمىسوۆ اتىنداعى № 32 ورتا مەكتەپتىڭ ءمۇعالىمى  ۇبت ورتالىعىندا قايتىس بولدى دەپ حابارلايدى Qamshy.kz اقپارات اگەنتتىگى "ۋرالسكايا نەدەليا"-عا سىلتەمە جاساپ.

— ءبىتىرۋشى سىنىپتىڭ كلاسس جەتەكشىسى وقۋشىلارىن تەستىلەۋ ورتالىعىنا اپارعان. وقۋشىلار تەست تاپسىرۋعا ءدارىسحاناعا كىرىپ كەتكەندە سىنىپ جەتەكشى وقۋشىلارىن دالىزدە كۇتىپ وتىرعان.  13.10 ۋاقىت شاماسىندا ءمۇعالىم ءوزىن ناشار سەزىندى. ءبىز جەدەل جاردەم شاقىردىق، الايدا جەدەل جاردەم جەدەل بولماي شىقتى. ولار جارتى ساعاتتا ءبىراق جەتتى. دارىگەرلەر كەلگەندە ءمۇعالىمنىڭ قايتىس بولعانىن انىقتادى. جەدەل جاردەم شاقىرعان ۋاقىت تۇسكى ۇزىلىسكە ءدال كەلگەن ەدى. دارىگەر تۇسكى استا بولعان. ناقتى دياگنوزىن بىلمەيمىز. ايەلدىڭ قان قىسىمى جوعارى بولعانى بەلگىلى، - دەدى تەستىلەۋ ورتالىعىنىڭ قىزمەتكەرى.  

وبلىستىق دەنساۋلىق ساقتاۋ باسقارماسى بولعان  جاعدايعا قاتىستى كەيىنىرەك پىكىر بىلدىرۋگە ۋادە بەردى.