مەملەكەت باسشىسى رەسەيلىك تەلەارنا تىلشىسىمەن اڭگىمە بارىسىندا ەۋرازيالىق ەكونوميكالىق وداق اياسىندا قازاقستان مەن رەسەي اراسىنداعى ىنتىماقتاستىقتى دامىتۋدىڭ نەگىزگى اسپەكتىلەرى تۋرالى ايتتى. بۇل تۋرالى Qamshy.kz اقپارات اگەنتتىگى حابارلايدى.
سونىمەن قاتار نۇرسۇلتان نازاربايەۆ «ءبىر بەلدەۋ، ءبىر جول» باعدارلاماسىنىڭ ىسكە اسىرىلۋ ناتيجەلەرىنە جانە پەرسپەكتيۆالارىنا توقتالىپ، قازاقستاننىڭ سىرتقى ساياسي قىزمەتىنىڭ نەگىزگى ماسەلەلەرىنە قاتىستى ساۋالدارعا جاۋاپ بەردى.
مەملەكەت باسشىسى قازاقستان حالقىنا ارنالعان «پرەزيدەنتتىڭ بەس الەۋمەتتىك باستاماسى» اتتى ۇندەۋىنىڭ ءمانىن ءتۇسىندىرىپ، ونى ساپالى تۇردە ورىنداۋدىڭ ماڭىزدى ەكەنىن ايتتى.
– بەس الەۋمەتتىك باستامانى ىسكە اسىرۋ بارىسىندا مۇعالىمدەردىڭ جالاقىلارى دا وسەتىن بولادى. ءقازىر ءبىز مەكتەپتەردە ءبىلىم بەرۋدىڭ جاڭا مازمۇنىنا كوشتىك، بۇل مۇعالىمدەردىڭ جالاقىسىن 30 پايىزعا ارتتىرۋعا مۇمكىندىك بەرەدى. سونداي-اق ورتا ءبىلىم بەرۋ جۇيەسىندە بىلىكتىلىك ساناتتارى كوزدەلگەن. ساناتى كوتەرىلگەن مۇعالىمدەردىڭ جالاقىسى قوسىمشا 50 پايىزعا كوبەيەتىن بولادى، – دەدى قازاقستان پرەزيدەنتى.
