«ورتا ەسەپپەن العاندا جوندەلگەن جولدار 2 مىڭ كم-دەن اسپايتىن وتكەن جىلدارمەن سالىستىرعاندا بۇل رەكوردتىق كورسەتكىش»، — دەدى تيمۋر سۇلەيمەنوۆ.

ناتيجەسىندە 2017 جىلى 22 اۆتوموبيل جولدارىنىڭ جوبالارىندا 600 كم اۆتوجول قايتا جاڭعىرتىلدى، بۇل جوسپاردىڭ 100% قۇرايدى.

ەكىنشى باعىت — لوگيستيكالىق جوبالاردى جۇزەگە اسىرۋ اياسىندا ەلىمىزدىڭ ترانزيتتىك الەۋەتىن ارتتىرۋ ءۇشىن قۇرىق تەمىرجول پاروم تەرمينالى ىسكە قوسىلدى.

«وسى جوبا بويىنشا جۇكتى اۋىستىرىپ تيەۋدىڭ جوسپارلى كورسەتكىشى 50%-عا ارتىعىمەن ورىندالىپ، 1،5 ملن توننانى قۇرادى. سونىمەن قاتار، 2017 جىلدىڭ جەلتوقسان ايىندا قۇرىق پورتىندا اۆتوكولىك پاروم تەرمينالىنىڭ تەستىلىك ىسكە قوسىلۋى جۇزەگە اسىرىلدى»، — دەپ اتاپ ءوتتى ۇلتتىق ەكونوميكا ءمينيسترى تيمۋر سۇلەيمەنوۆ.

اۆتوكولىك پاروم تەرمينالىنىڭ تولىق قۇرىلىسىن اياقتاۋ 2018 جىلعا بەلگىلەنگەن. ونىڭ جوبىلىق قۋاتتىلىعى جالپى جىلىنا 2 ملن توننا جۇكتى قۇرايدى.

جالپى جوبانىڭ قۋاتتىلىعى جىلىنا 6 ملن توننانى قۇرايدى.

«نۇرلى جول» باعدارلاماسىنىڭ ءۇشىنشى باعىتى —  تۇرعىن ۇي-كوممۋنالدىق شارۋاشىلىعىن جاڭعىرتۋ اياسىندا 2017 جىلى جوسپارلانعان 700 كم ينجەنەرلىك جۇيەنىڭ 765 كم جانعىرتىلدى.

«نۇرلى جول» مەملەكەتتىك باعدارلاماسىنىڭ شەڭبەرىندە تكش قارىجىلاندىرۋ ەلىمىزدە ينجەنەرلىك جەلىلەردىڭ توزۋىن 67%- دان 60%-عا تومەندەگەنىن اتاپ ءوتۋ قاجەت»، — دەدى ت. سۇلەيمەنوۆ.

اعىمداعى جىلى شامامەن 800 كم ينجەنەرلىك جەلىلەردى سالۋ جانە قايتا جاڭعىرتۋ جوسپارلانىپ وتىر. بۇل، اتالعان كورسەتكىشتى قوسىمشا 3%-عا تومەندەتەدى.

ءتورتىنشى باعىت —  اپاتتى مەكتەپتەردى جانە ءۇش اۋىسىمدىق وقىتۋدى جويۋ شەڭبەرىندە 2017 جىلدىڭ قورىتىندىسى بويىنشا جوسپارلانعان
76 مەكتەپتىڭ 73 مەكتەبى سالىندى.

«ق ر بعم اقپاراتىنا سايكەس، قالعان ءبىلىم بەرۋ وبەكتىلەرى اعىمداعى جىلدىڭ ءى توقسانىنىڭ اياعىنا دەيىن پايدالانۋعا بەرىلەدى. جالپى مەملەكەتتىك باعدارلامانى ىسكە اسىرۋ جىلدارىندا 108 مەكتەپ سالىندى»، — دەدى تيمۋر سۇلەيمەنوۆ.

بەسىنشى مىندەت — شاعىن جانە ورتا بيزنەستى ينفراقۇرىلىممەن قامتاماسىز ەتۋ اياسىندا 2017 جىلى 20 شاعىن جانە ورتا بيزنەس جوباسى، ونىڭ ىشىندە قوستاناي جانە الماتى وبلىستارىنداعى
2 يندۋستريالدىق ايماق قاجەتتى ينفاقۇرىلىممەن قامتاماسىز ەتىلدى.

2017 جىلدىڭ قورىتىندىسى بويىنشا جەتكىلىكسىز ينفراقۇرىلىمدى جەتكىزۋگە باعىتتالعان 1 تەڭگە بيۋدجەت قاراجاتى جەكە سەكتوردان 28 تەڭگە ينۆەستيسياسىن تارتۋعا مۇمكىندىك بەردى. ينۆەستيسيانىڭ جالپى كولەمى 410 ملرد تەڭگەنى قۇرادى.

قولداۋعا يە بولعان جوبالار تاماق ونەركاسىبى (3 جوبا)، اۋىل شارۋاشىلىعى (7 جوبا)، جەڭىل ونەركاسىپ (1 جوبا)، قۇرىلىس ماتەريالدارى ونەركاسىبى جانە فارماسيەۆتيكالىق ونىمدەر ءوندىرىسى (5 جوبا) سالالارىنا جاتادى.

التىنشى باعىت — حالىقارالىق قارجى ۇيىمدارىمەن جوبالاردى قوسا قارجىلاندىرۋ اياسىندا 2017 جىلى حالىقارالىق قارجى ۇيىمدارىمەن ارىپتەستىك تۋرالى نەگىزدەمەلىك كەلىسىم شەڭبەرىندە مۋنيسيپالدى جىلۋ جانە سۋمەن جابدىقتاۋ جۇيەلەرىن جاڭعىرتۋعا، شاعىن جانە ورتا بيزنەستى دامىتۋعا، ءونىمدى يننوۆاسيالاردى ىنتالاندىرۋعا، جۇمىس داعدىلارىن دامىتۋ جانە جۇمىس ورىندارىن قۇرۋعا، سۋارۋ جانە درەناج جۇيەلەرىن جەتىلدىرۋگە باعىتتالعان
15 جوباعا بىرلەسىپ قارجىلاندىرۋعا قاراجات ءبولىندى.

2017 جىلى كەلىسىمدەر راتيفيكاسيالانىپ جانە جالپى سوماسى 366،4 ملن اقش دوللارىن قۇرايتىن ەكى ۇكىمەتتىك نەسيە جوباسى ىسكە قوسىلدى، ونىڭ ىشىندە حالىقارالىق قارجى ۇيىمدارىنان تارتىلعان قاراجات 320 ملن اقش دوللارىن قۇرادى.

بۇدان وزگە، مەملەكەتتىك كەپىلدىك بەرۋ ارقىلى جۇزەگە اسىرىلاتىن ەكى جوبانى ىسكە اسىرۋ باستالدى.

«مەملەكەتتىك باعدارلامانى ىسكە اسىرۋ 2017 جىلى جوسپارلى 75 مىڭ جۇمىس ورنىن قۇرۋ كەزىندە 98،3 مىڭ جۇمىس ورنىن قۇرۋعا مۇمكىندىك بەردى. مەملەكەتتىك باعدارلامانىڭ جالپى ىشكى ءونىمنىڭ وسۋىنە ۇلەسى 0،75 پايىزدىق تارماق دەڭگەيدە باعالاپ وتىرمىز»، — دەپ تۇيىندەدى ءوز ءسوزىن تيمۋر سۇلەيمەنوۆ.

قارجى ءمينيسترى باقىت سۇلتانوۆ ءوز كەزەگىندە «نۇرلى جول» باعدارلاماسى 2017 جىلى شىعىنداردىڭ باستى باسىمدىقتارىنىڭ ءبىرى بولعانىن باياندادى. مەملەكەتتىك باعدارلامانىڭ بيۋدجەتتىك بولىگى 472،3 ملرد تەڭگەگە نەمەسە 99،9% يگەرىلدى. اۆتوموبيل جولدارىن سالۋعا جانە جاڭعىرتۋعا؛ استانا قالاسىنداعى حالىقارالىق اۋەجايدىڭ جولاۋشىلار تەرمينالىن رەكونسترۋكسيالاۋعا؛ سونداي-اق  جىلۋ، سۋمەن جابدىقتاۋ جانە سۋ بۇرۋ جۇيەلەرىن سالۋدى سۋبسيديالاۋعا بەرىلگەن قاراجاتتار تولىق كولەمدە يگەرىلدى.

مەملەكەتتىك باعدارلاماعا بولىنگەن قاراجاتتىڭ جەرگىلىكتى دەڭگەيدە يگەرىلۋى بولىنگەن قاراجاتتىڭ 98،7 % قۇرادى (127،4 ملرد تەڭگە).

2018 جىلى مەملەكەتتىك باعدارلامانى جۇزەگە اسىرۋعا 488،5 ملرد تەڭگە قاراستىرىلدى. ا. ج. 1 ناۋرىزداعى جاعداي بويىنشا ورتالىق مەملەكەتتىك ورگاندار 208،3 ملرد تەڭگە سوماسىنا مىندەتتەمەلەر قابىلدادى، ياعني جىلدىق جوسپاردىڭ 49،6%.