فلوريدا شتاتى پارلامەنتىنىڭ جوعارعى پالاتاسى پاركلەندتەگى مەكتەپتە بولعان اتىستان كەيىن مۇعالىمدەرگە قارۋ ۇستاۋعا رۇقسات بەرىپ، زاڭ بويىنشا ماقۇلدادى، دەپ حابارلايدى Qamshy.kz اقپارات اگەنتتىگى ربك سايتىنىڭ دەرەگىن نەگىزگە الا وتىرىپ.
سونىمەن بىرگە زاڭ جوباسىندا قارۋ ساتىپ الۋعا رۇقسات ەتىلەتىن جاس مولشەرىن 18-دەن 21 جاسقا دەيىن كوتەرۋ دە قاراستىرىلعان. ال دەپۋتاتتار جارتىلاي اۆتومات قارۋدىڭ اتۋ جىلدامدىعىن ارتتىراتىن قۇرىلعىلاردى ساتۋعا تىيىم سالدى. ەرەجەلەردى قاتاڭداتۋدى 20 سەناتور قولداسا، 18 دەپۋتات قارسى بولعان.
بۇدان بولەك، زاڭ جوباسىندا مەكتەپتەردە كۇزەتشىلەر سانىن ۇلعايتۋ، سونداي-اق كەيبىر مۇعالىمدەرگە قارۋ ۇستاۋعا رۇقسات بەرۋ كوزدەلگەن.
ايتا كەتەتىن بولساق، پاركلەندتەگى «Marjory Stoneman Douglas» مەكتەبىندە 15 اقپاندا اتىس بولىپ، سالدارىنان 17 ادام قازا تاپتى. وقۋشىلارعا بۇرىن سول مەكتەپتە وقىعان 19 جاستاعى بوزبالا وق جاۋدىرعان.
