رەسەيدىڭ كراسنودار قالاسىندا كوپقاباتتى تۇرعىن ءۇيدىڭ ەكى قاباتىنىڭ قابىرعاسى قۇلادى دەپ جازادى Qamshy.kz اقپارات اگەنتتىگى تاسس اگەنتتىگىنىڭ دەرەگىنە سۇيەنىپ. تۇرعىن ءۇيدىڭ قۇلاۋىنا گاز باللونىنىڭ جارىلۋى سەبەپ بولعان. زارداپ شەككەندەردىڭ سانى التى ادامعا جەتتى.

«ءقازىر جاراقات العان 6 ادام اۋرۋحاناعا جاتقىزىلدى. ولاردىڭ ىشىندە 2 بالا بار. زارداپ شەككەندەردىڭ جاراقاتتارى اۋىر ەمەس»، - دەيدى اگەنتتىككە اقپارات بەرگەن ادام.

«ساعات 10:20-دا تۇرعىن ءۇي قابىرعىسىنىڭ قۇلاعانى تۋرالى اقپارات ءتۇستى. قابىرعا بىرنەشە جەردەن قۇلاپ، شاتىر بولىكتەرى قيرادى. ءورت شىققان جوق. ءتورتىنشى بەسىنشى قابات ارالىعىنداعى باسپالداق الاڭشاسى ءبۇلىندى. ادام ءولىمى تىركەلگەن جوق»،-دەپ حابارلايدى جەرگىلىكتى تجم باسپا ءسوز قىزمەتى.