قازاقستان جازۋشىلار وداعىنىڭ XV قۇرىلتايى باستالدى، دەپ حابارلايدى Qamshy.kz اقپارات اگەنتتىگى. جيىنعا قازاقستان جازۋشىلار وداعىنىڭ مۇشەلەرى، قۇرىلتاي دەلەگاتتارى، ارنايى شاقىرىلعان قوناقتار، استانا مەن الماتىنىڭ بۇقارالىق اقپارات قۇرالدارى وكىلدەرى قاتىسۋدا.

پرەزيدۋم شىمىلدىعى انۇرانمەن اشىلدى.

قۇرىلتايعا كەلگەندەر ەكى سەز ارالىعىندا قايتىس بولعان 131 جازۋشىنى ءبىر مينۋتتىق ۇنسىزدىكپەن ەسكە الدى.

سپورت جانە مادەنيەت ءمينيسترى ارىستانبەك مۇحامەدي ۇلى ەلباسىنىڭ قۇتتىقتاۋىن وقىدى.

ەلباسى قۇتتىقتاۋىندا بارشا قالامگەرلەردىڭ بۇگىنگى ىرگەلى باسقوسۋى قازاقستان تاريحىندا بىرەگەي "رۋحاني جاڭعىرۋ" باعدارلاماسى قارقىندى جۇزەگە اسىرىلىپ جاتقان كەزەڭگە تۇسپا-تۇس كەلۋىنىڭ زور سيمۆولدىق ءمانى بار ەكەنىن اتاپ ءوتتى. 

قۇرىلتايدا جازۋشىلار وداعىنىڭ ءتوراعاسىن سايلاۋ، وداقتىڭ سوڭعى 5 جىلدا اتقارعان جۇمىستارىنا ەسەپ بەرۋ سياقتى ماسەلەلەر تالقىلانىپ جاتىر.