قازاقستان جازۋشىلار وداعىنىڭ قۇرىلتايىندا قازاقستاننىڭ حالىق جازۋشىسى قابدەش ءجۇمادىلوۆ پەن وداقتىڭ قازىرگى ءتوراعاسى نۇرلان ورازالين سوزگە كەلىپ قالدى، دەپ جازادى Qamshy.kz اقپارات اگەنتتىگى.
قۇرىلتايدا ءسوز العان قازاقستاننىڭ حالىق جازۋشىسى قابدەش ءجۇمادىلوۆ مەملەكەتتىك سىيلىقتىڭ يەگەرى ءسابيت دوسانوۆتى سوزبەن تۇيرەپ ءوتتى.
– كەزىندە «عاسىر حالتۋرشيگى» اتانعان ءسابيت دوسانوۆ نازاربايەۆتىڭ ساياساتىنىڭ ارقاسىندا ءسوز باستايتىن سەركەگە اينالدى، - دەدى ول.
قابدەش ءجۇمادىلوۆ وزىنەن بۇرىن ءسابيت دوسانوۆقا ءسوز بەرىلگەنىنە شامدانعان بولۋى كەرەك. سونىمەن قاتار نۇرلان ءورازاليندى دە سىنادى.
– وسىدان بەس جىل بۇرىنعى قۇرىلتايدا نۇرلان ورازالين ورنىن بوساتاتىنىن ايتتى. ءبىراق 22 جىل بوسقا وتىرماعان عوي، ءوزىنىڭ سويىلىن سوعاتىن جاندايشاپتارىن دايىنداپ قويعان ەكەن. سولاردىڭ ۇسىنىسىمەن قايتا سايلانىپ شىعا كەلدى، دەدى ءجۇمادىلوۆ.
قابدەش ءجۇمادىلوۆ سويلەپ جاتقاندا نۇرلان ورازالين «رەگلامەنت» دەپ ءسوزىن توقتاتۋتىعا تىرىستى. ەكەۋى سوزگە كەلىپ قالدى.
– ايقايلاي بەرمەڭىز. وتكەن جولى ۇندەمەدىم. ۇندەمەگەن سايىن باسىنۋعا بولمايدى، جولداس ءجۇمادىلوۆ، - دەدى نۇرلان ورازالين.
قابدەش ءجۇمادىلوۆ نۇرلان ورازالينگە مانساپتى قويىپ، شىعارماشىلىقتى قولعا الۋعا كەڭەس بەردى.
پىكىر قالدىرۋ