قحر-دا سوتتالعان قازاقستاندىق اقجارقىن تۇرلىبايدىڭ ىسىنە قاتىستى سوت وتىرىسىنىڭ مەرزىمى ءالى بەلگىلەنبەدى، دەپ حابارلايدى Qamshy.kz اقپارات اگەنتتىگى.

ەسكە سالساق، اقجارقىن تۇرلىباي 2014 جىلى  گۋانچجوۋ اۋەجايىندا   4،5 كەلى ەسىرتكىمەن اۋەجايدا ۇستالعان. قىتايلىق سوت بۇل قىلمىس ءۇشىن قىزدى ءومىر بويىنا باس بوستاندىعىنان ايىرعان. 2016 جىلى اپپەللياسيالىق ينستانسيا سوتى اقجارقىنعا قاتىستى ءومىر بويىنا باس بوستاندىعىنان ايىرۋ جازاسىنان باس تارتىپ، ونىڭ ءىسىن  ءبىرىنشى ينستانسيا سوتىنا جىبەرگەن. ءبىرىنشى ينستانسيا سوتىندا ا.تۇرلىبايدىڭ ءىسى قايتا قارالدى.  قازىرگى ۋاقىتتا اقجارقىن تۇرلىباي تەرگەۋ اباقتىسىندا سوت ۇكىمىن كۇتىپ وتىر.

«سوت وتىرىسىنىڭ ۋاقىتى ازىرگە بەلگىسىز. ناقتى ۋاقىتى بەلگىلى بولعاندا بىردەن پروسەسسكە قاتىسۋ ءۇشىن شىعامىز. اقجارقىننىڭ تۋىستىرىنىڭ بىرىمەن بارامىز، ول ءۇشىن قىتايلىق ۆيزالاردى الدىن الا  دايىنداپ قويدىق»، - دەيدى قىزدىڭ ادۆوكاتى س.نۇرماعانمبەتوۆ.

اقجارقىنمەن زاڭگەرلەر سوڭعى رەت وسى ايدىڭ باسىندا كەزدەسكەن. ول ءوزىنىڭ دەنساۋلىعىنىڭ جامان ەمەس ەكەنىن، الداعى پروسەسسكە دايىن ەكەنىن ايتقان.