2000 جىلداردىڭ باسىندا رەسەي پرەزيدەنتى ۆلاديمير ءپۋتيننىڭ تىكۇشاعى شەشەنستانداعى پسكوۆ شابۋىلشىلارىنىڭ قايتىس بولعان جەرىنە بارا جاتقاندا وق استىندا قالادى.  

اندرەي كوندراشوۆتىڭ «پۋتين» فيلمىندە شەشەنستانداعى التىنشى پسكوۆ روتاسىنىڭ دەسانتشىلارى تۋرالى اڭگىمەلەيدى. بۇل تۋرالى رەجيسسەر دميتريي كيسەليەۆ ءوزىنىڭ الەۋمەتتىك جەلىدەگى پاراقشاسىندا جازدى. «500-گە جۋىق جاۋىنگەردىڭ كوزىن جويعان 84 دەسانتشى قازا تاپتى. التى جاۋىنگەر ءتىرى قالدى. بۇل جاعدايدان كەيىن پۋتين پسكوۆتاعى قازا تاپقانداردىڭ تۋىستارىمەن كەزدەسىپ، سوعىس بولعان ايماققا ءوزى باراتىنىن ايتقان. الايدا ول جەر ءبىر جىلعا جۋىق جاۋىنگەرلەردىڭ قورشاۋىندا بولعان ەدى. ءسويتىپ پۋتين جاۋىنگەرلەر قايتىس بولعان اۋماققا تىكۇشاقپەن بارادى. الايدا پرەزيدەنتتىڭ تىكۇشاعى وق استىندا قالدى»، - دەپ جازدى كيسەليەۆ «ودنوكلاسسنيكي» جەلىسىندە.

«جاڭا جىل ۋاقىتى بولعاندىقتان، مەن ونى وت شاشۋ دەپ ويلادىم. سوندا ۇشقىشتار بىزگە وق اتىلىپ جاتقانىن ەسكەرتتى»، - دەپ ءبولىستى پۋتين ءوز ويىمەن.

رەسەيلىك مۇناي-گاز كومپانياسىنىڭ سول كەزدەگى باسشىسى يگور سەچيننىڭ ايتۋىنشا، رەسەي باسشىسى قوسىمشا كولىك دايىنداۋدى تاپسىردى. «جولدار جابىلىپ، قايتار جول جارىلعىش زاتتارعا تولى بولعان ەدى»، - دەدى ول.

فيلمدە كورسەتىلگەندەي، بۇل وقيعادان ەشكىم زارداپ شەكپەگەن. ءتىپتى بۇگىنگى كۇنگە دەيىن بۇل جايلى ەشكىم ءتىس جارىپ ايتپاعان.

ايتا كەتەيىك، 2018 جىلدىڭ 18 ناۋرىزىندا رەسەيدە پرەزيدەنت سايلاۋى وتەدى. حالىق مۇنى سايلاۋالدى پيارعا بالاپ جاتىر.